ЎҚув методика маркази

Машғулотнинг бориши
Тарбиячи: “Биз қаерга борганимизда метрога тушган эдик? Метрога яна кимлар билан тушгансиз? Метрога тушганингизда бекатлари қандай эди? Бекатлар ҳақида нима дейиш мумкин?” (ёруғ, озода, кенг, чиройли, нақшли).
2. Поездлар ҳақида нима дейиш мумкин? (тез юрар, кетма-кет).
3. Зиналар қандай эди? (ўзиюрар, баланд). Савол – жавобдан сўнг тарбиячи болаларга ҳикоя тузишни таклиф этади: “Болалар ҳикоя тузганингизда ҳозирги ишлатган сўзлардан фойдаланишингиз мумкин”.
Тарбиячининг ёрдамчи саволлари:
1. Метрода қаерга борган эдингиз?
2. Пастга –ер ости бекатига нимада тушдингиз?
3. Қайси бекатни томоша қилдингиз?
4. Бекатда яна нималарни кўрдингиз?
Савол – жавобдан сўнг тарбиячи намунавий ҳикоя қилиши мумкин.
Онам билан мен қўғирчоқ театрига бормоқчи бўлдик. Метрога онам билан тушдик. Онам аввал жетонлар сотиб олдилар. Жетонни ўтадиган жойга ташлаб ўтдилар. Мен ёш болалар ўтадиган жойдан ўтиб кетдим. Биз ўзиюрар зиналар орқали метронинг ер ости бекатига тушдик. Бу бекат жуда чиройли ва озода экан. Турли нақшлар билан безатилган. Кетма – кет поездлар келди. Поезд эшиклари ўзи очилади, ўзи ёпилади. Поезд қўзғалди. Биз “Мустақиллик” майдони бекатида тушдик. Бу бекат жуда чиройли экан. Яна ўзи юрар зиналар орқали юқорига чиқдик ва театр томон йўл юрдик (3-4 болаларнинг жавоблари).
Тарбиячи: “Болалар, поезд ҳайдовчисининг гапини паст-баланд, ўртача суръатда айтишга ҳаракат қиламиз”: “Эҳтиёт бўлинг, эшиклар ёпилади, кейинги бекат “Пахтакор”. Тарбиячи юқоридаги жумлаларни овоз суръатини ўзгартириб (айттириб) айтишга ўргатади.
“Кластер” ўйини бўйича транспорт турларини гуруҳлаш
Болаларга турли хилдаги транспортларнинг алоҳида-алоҳида расмлари тўплами берилади. Болалар транспортларни қаерда ҳаракат қилишларига қараб гуруҳлаб чиқадилар–ерда юрадиган, осмонда учадиган, сувда сузадиган.
4-машғулот
Мавзу: расмларни номлаш ( “Ch” товуши) ва улар иштирокида гап тузиш
Мақсад: Расмларни номлаганда сўздаги ҳар бир товушни тўғри талаффуз қилиш. Болаларни берилган расмлар асосида мустақил гап тузишга ўргатиш. Сўзлар гапда боғланиши ҳақида тушунчаларини мустаҳкамлаш. Сўзларни бўғинларга бўлиш.
Вазифалар:
Расмлар орқали гап ҳақида тушунчаларини мустаҳкамлаш, луғатни фаоллаштириш.
Боғланишли нутқ—гап тузиш кўникмаларини шакллантириш.
Нутқнинг ифодалилигини тарбиялаш.
Гапни сўзларга бўлишга ўргатиш.