ЎҚув методика маркази

Болалар билимини текшириш ва мустаҳкамлаш учун саволлар
-Бугун болалар, қайси товуш иштирок этган расмларни номладик ва улар ҳақида гап туздик?
-Нечта сўздан иборат гаплар туздик?
-Қайси сўзда “K” товуши сўзнинг бошида келди?
-Қайси сўзда “K” товуши сўзнинг ўртасида келди?
-Қайси сўзда “K” товуши сўзнинг охирида келди?
7-машғулот
Мавзу: Жамоа ҳаётидан ҳикоя тузиш: “Боғчамдаги ёқтирган ўйинларим”
Мақсад:
Воқеа-ҳодисаларни мантиқий изчилликда шахсий ҳаётдаги таассуротлардан мисоллар келтириб, сўзлаб беришга ўргатиш.
Вазифалар:
Болаларнинг сўзлашув нутқини ривожлантириш. Сўзлаётганда тўғри нафас олишни ривожлантириш. Ўйинчоқлар номлари билан луғатни фаоллаштириш. Топишмоқлар мазмунини тушунишга ўргатиш.
Кутилаётган натижалар:
Болаларнинг сўзлашув нутқи ривожланади.
Болаларнинг сўзларни бир-бирига боғлаб, жумлалар тузиш малакаси мустаҳкамланади.
Керакли жиҳозлар:
Турли ўйинчоқлар
Машғулотнинг бориши
Тарбиячи: Болалар, бугун сиз боғчадаги энг яхши кўрган ўйинларингиз ҳақида гапириб берасиз.
Айтинг-чи, қандай ўйинлар ўйнашни яхши кўрасиз? Сиз ўртоқларингиз билан ўйин ҳақида, ўйинчоқлар ҳақида қандай келишиб оласиз? Ким билан қандай ўйнайсиз?
Болалар ҳикоя тузишга қийналсалар, тарбиячи намуна беради:
Болалар, ёнимиздаги гуруҳ болалари мана бундай ҳикоя тузибдилар. Менинг энг ёқтирган ўйиним “Қурилиш” ўйини. Мен кўпинча Садир, Собир ўртоқларим билан бирга ўйнайман. Собир машинани яхши кўради. Шунинг учун у доим ҳайдовчи бўлади. У ўз машинасида бизга керакли жиҳозларни олиб келади. Биз Садир билан қурувчилармиз. Биз кеча уй қурганмиз. Уйимиз катта ва чиройли чиқди. Ҳаммамиз бирга қурганмиз, жуда чиройли уй бўлди (Тарбиячи намунасидан сўнг 3-4 та бола ҳикояси тингланади).
“Топган-топалоқ” ўйини
Болажонлар, мен ҳозир сизларга ўйинчоқлар ҳақида топишмоқлар айтаман, сизлар топасизлар:
1. Чўпчагим чўпчак,
Олтин беланчак
Етти қизнинг онаси
Халигача келинчак. (қўғирчоқ)
2. Тап-тап этади,
Урсам учиб кетади (Копток)
кабилар.