ЎҚув методика маркази

Бармоқлар машқи
Тарбиячи шеърни ўқиб туради. Болалар ҳаракатни бажарадилар.
П уфак
К атталашар пуфласангиз
Худди катта коптокча.
Биз уларни ўйнаймиз,
Қувлаб, қочиб, қувнаймиз.
Ёрилди-ю"пақ"этди,
Ҳавоси чиқиб кетди.
Иккала қўлнинг барча бармоқлари ораси кенг очилиб, бир-бирига теккизиб турилади. Шу ҳолда уларга қараб ҳаво пуфланади ва бармоқлар бироз букланиб шар шаклига келтирилади. "Ҳаво чиқиб кетгач " бармоқлар яна аввалги ҳолатга қайтади.
Саводга тайёрлаш бўйича амалий машқ
“Сўздан гап тузамиз” ўйини
Берилган сўз иштирокида гап тузиш. Бунда болалар тарбиячининг топшириғига биноан хилма-хил гаплар тузадилар. Масалан, тарбиячи “Она” сўзини айтса, болалар она ҳақида гап тузадилар:
Мен онамни яхши кўраман.
Онам мени эркалайдилар.
Ойижоним шифокор бўлиб ишлайдилар.
Ойижоним кеча нон ёпдилар.
Машғулот якунида барча болаларни рағбатлантириш.
5-машғулот
Мавзу: Шахсий ҳаётдан ҳикоя тузиш. “Мен Наврўз байрамини қандай ўтказдим?”
Мақсад:
Тарбиячининг режаси асосида шахсий ҳаётда бўлган воқеаларни ҳикоя қилиб, сўзлаб беришга ўргатиш.
Вазифалар:
Болаларнинг боғланган нутқини ривожлантириш. Сўзлаётганда тўғри нафас олишни ривожлантириш. Товушларни сўзларда аниқ айтиш. Грамматик жиҳатдан тўғри жумлалар билан савол ва жавоб бериш малакаларини ривожлантириш.
Кутилаётган натижалар:
Болаларнинг боғланган нутқи ривожланади.
Болалар грамматик жиҳатдан тўғри жумлалар билан савол ва жавоб беришни ўрганадилар.
Керакли жиҳозлар:
“Миллий таомлар ошхонаси” ўйини учун жиҳозлар
Машғулотнинг бориши
Тарбиячи: Болалар, қандай байрам бўлиб ўтди? Биз аввал Наврўз байрамини боғчада ўтказдик. Наврўз эрталиги жуда қизиқарли бўлди. Саҳий, қувноқ Баҳорой бизга совға-саломлар берди. Ҳаммангиз Наврўз байрамини уйингизда давом эттирдингиз. “Наврўз байрами” куни дам олиш куни. Ҳозир биз “Мен Наврўз байрамини қандай ўтказдим?” мавзусида ҳикоя тузиб беришни ўрганамиз.
1. Шу куни сиз қачон, қаерга, ким билан бордингиз?
2. У ерда нималарни кўрдингиз?
3. Қандай томошалар сизга жуда ёқди? Шулар ҳақида гапириб
берасиз.
Мана менинг намуна ҳикоямни эшитинг:
Мен байрам куни ўғлим билан А.Навоий номли миллий боғга бордим. У ерда очиқ саҳналардаги томошаларни кўрдик. Бизга дор ўйини жуда ёқди. Майдонда ошпаз акаларимиз сумалак, ҳалим улашаётган эканлар, улардан олиб уйга қайтдик. Мен чой дамлаб келдим, мазза қилиб сумалак еб олдик. (Тарбиячининг намунасидан сўнг 5-6 боланинг ҳикоялари тингланади)
Машғулот якунида болаларни ширин сўзлар билан рағбатлантириш.