ЎҚув адабиёти овқатланиш

Давлат меҳнат ҳавфсизлиги стандартлари системаси (ДАВСТ, МҲСК).

Меҳнат ҳавфсизлиги соҳасида стандартлаштириш комплекс стандартларни ўз ичига олади. Стандартлаштириш консрукторлар, гигиенистлар ва ишлаб чиқарувчилар учун мўлжалланган. Уларда ҳавфли ва зарарли омилларнинг таснифи, меъёрлари, ўлчаш усуллари, ҳавфсизлик чоралар, ишлаб чиқариш жараёнига ва жиҳозларига ҳавфсизлик талаблари берилган.

3. 
   Қурилиш меъёр ва қоидалари (Кур М ва К)- шаҳарлар ва аҳоли пунктлари, корхоналар, бинолар ва иншоатлар, санитар техник қурилмалар ва бошқалар қурилиши ва лойиҳалаштиришга бўлган асосий талаблардир.
   

Меҳнат гигиенаси врачлари ОСНни ўтказишда кўпроқ қуйидаги ҚМҚлардан фойдаланадилар: саноат корхоналарининг бош режаси, қишлоқ хўжалиги корхоналарининг бош режаси, маъмурий ва маиший бинолар, технологик жиҳозлар, табиий ва сунъий ёритилганлик, иситиш, ёритилганлик, вентиляция ва кондиционерлаштириш, бошқалар.

4. 
   Асос бўлувчи буйруқлар, таснифлар, низом кўп тармоқлар учун мўлжалланган. Бу гуруҳдаги қонунчилик ҳужжатларига қуйидагилар киради:
   

• 
  Ўзбекистон Республикаси Соғлиқни Сақлаш Вазирлиги буйруғи
  

№400 «Даврий ва дастлабки тиббий кўриклар тизими» 1992-йил 27- июль;

• 
  ДСЭНМ ҳақидаги низом (Ўзб. Рес. ССВ 20.04.96 й);
  
• 
  зарарли ва ҳавфли ишлаб чиқарувчи омиллар меҳнат жараёнининг оғирлиги ва кескинлиги кўрсаткичлар бўйича меҳнат шароитининг гигиеник таснифи (Ўзб.Рес ССВ 19,03,96 й);
  
• 
  санитар профилактик ва бошқа муассасалардан тиббий ҳисоб-китоб ҳужжатлар Ўзб.Рес. ССВ №231-92 бўйруғи.
  

Меъёрий - услубий ҳужжатлар

Бу гуруҳга ҳар хил мазмундаги ҳужжатлар, яъни меҳнат шароити ва меҳнатни ташкиллаштириш борасидаги маълумотлар, хавфли ва зарарли омиллар ва уларнинг зарарли таъсирини олдини олиш у ёки бу технологик воситалар, баъзи кимёвий моддалар (пестицидлар, эритувчилар, қўрғошин, симоб метали ва бошқалар) таъсири ҳақидаги ахборотлар киритилган. Бу гуруҳ ҳужжатлар қўлланма (инструкция), услубий тавсия, услубий кўрсатма кўринишида бўлади.

ДСЭНМ шифокори санитария назорати олиб бораётганда юқорида қайд этилган қонуний ҳужжатларни қўллашни билиши керак. Давлат санитария назорати олиб бораётганда аниқ қонун, модда, низом ва меъёрларга суянган ҳолда ўз талабларини кучга киритмоғи керак.