ЎҚув адабиёти овқатланиш

Радиоактив юклама шароитида аҳоли овқатланиши ташкиллаштириш. Ифлосланган ҳудудлардаги аҳолининг оптимал овқатланишини ташкил этиш рационал овқатланишнинг асосий талаблари асосида атроф-муҳит шароитлари ва алиментар адаптациянинг асосий йўналишларидан келиб чиққан ҳолда бажарилиши лозим.
Ифлосланган ҳудудлардаги болалар ва катталарнинг овқатланиш рационининг асосий қоидаларини бажариш қуйидагилардан иборат:

• 
  оқсиллар улушини асосан ҳайвонлардан олинган оқсиллар ҳисобига рацион калориялилигининг 15 % игача кўпайтириш (улар умумий оқсил тушишининг 60 % ини ташкил этиши лозим);
  
• 
  ёғ тушиши рацион калориялилигининг 30 % игача чеклаб қўйилишини ўсимлик ёғлари миқдорини умумий ёғ тушишининг 30 % игача камайтириш ҳисобидан амалга оширилиши (бу рациондаги ПТЁК пасайишига олиб келади);
  
• 
  рациондаги антиоксидант витаминлар: Е, С, А витаминлари, β- каротин, биофлавоноидлар миқдорини ёшга оид меъёрларга нисбатан 20 ... 50 % гача ошириш;
  
• 
  овқат толалари миқдорини 20 ... 30 % гача ошириш;
  
• 
  минерал моддалар: кальций, калий, йод, магний, темир, селен ошиқча тушишини таъминлаш;
  

Аҳолини тавсия этилган озуқа моддалари ва қувват билан таъминлаш учун рационни тузишнинг қуйидаги қонун-қоидалари назарда тутилиши керак:

• 
  рационда тўлақонли оқсиллар, А витамини, темир, микроэлементлар манбалари – гўшт, парранда гўшти, балиқнинг ёғсиз навлари, ич маҳсулотлари етарлича бўлиши;
  
• 
  овқатланишда С витамини, β-каротин, калий, овқат толалари, органик кислоталар манбалари бўлган сабзавотлар, мевалар ва ошкўкилардан кенг фойдаланилиши; ҳар куни эти билан бирга олинган шарбатлар ичиш;
  
• 
  ҳақиқий кальций ва тўлақонли оқсил манбаи бўлган сут, творог, пишлоқни етарлича истеъмол қилиш;
  
• 
  рационга йод, альгинатлар, микроэлементлар манбаи бўлган денгиз маҳсулотлари (денгиз балиғи ва сут ўтлари)ни киритиш.
  

Профилактика маҳсулотларидан умумий овқатланиш тизимида ва уй шароитида фойдаланиш имконияти аҳолини кимёвий таркибий қисми ва қувватий қийматига кўра гигиена талабларига жавоб берадиган маҳсулотлар тўплами билан амалда ҳақиқий таъминлаш вазифасини енгиллаштиради.

3.