ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Водород пероксидни аниқлаш. Пробиркага 2 мл сут солиниб, устига 5 томчи 1 %ли ванаддий кислотани сульфатли эритмаси қўшилади. Сут таркибида водород пероксид мавжуд бўлса, аралашма қизил рангга киради.
Крахмални аниқлаш. Пробиркага 5 мл сут солиниб, 2-3 томчи Люгол эритмаси қуйилади ва аралаштирилади. Аралашма кўк рангга кирса сутга крахмал қўшилганлигини билдиради.


ТАЪЛИМНИНГ ЗАМОНАВИЙ УСУЛЛАРИ
«Давра столи» ўйинини ўтказиш усули:
Иш учун зарур:

1. 
   Саволлар ва вазиятли масалалар тўплами алоҳида қоғозларда.
   
2. 
   Гуруҳдаги талабалар сони бўйича қуръа учун рақамлар
   
3. 
   Тоза қоғозлар, ручкалар.
   

Иш йўли:
Хамма талабалар қуръа бўйича 3 гуруҳга бўлинади. Ҳар битта гуруҳ алоҳида столга ўтиради ва тоза қоғоз билан ручкани тайёрлайди. Қоғозда сана, гуруҳнинг рақами, факультет, талабаларнинг Ф.И.О. кўрсатилади (ўйиннинг номи). Ҳар битта гуруҳнинг иштирокчиси конвертдан саволни олади. Талабалар ўз вазифасини қоғозга ёзадилар. Бу қоғоз айлана бўйича берилади. Ҳар битта талаба ўзининг жавобини ёзиб қоғозни ёнидаги талабага узатади. Ҳар битта талабанинг жавобига 3 дақиқадан вақт берилади. Вақт тугагач қоғоз ўқитувчига топширилади. Хамма иштирокчилар натижаларни муҳокама қилиб энг тўғрисини танлаб, унга максимал балл қўйишади. Муҳокамага 15 дақиқа берилади. Талабалар жавоблари учун баллни машғулотни назарий қисмининг рейтингига асосланиб олишади. Талабанинг олган бали машғулот учун баҳода ҳисобга олинади.
Талабаларнинг иши ўқитувчида қолади. Жавобларнинг таҳлили ўтказилади.


ВАЗИЯТЛИ МАСАЛАЛАР

1. 
   Сутни санитар экспертизадан ўтказилганда қуйидагилар аниқланди: сутнинг ранги кўкимтир, ёғлилиги 2%, зичлиги 1.038 г/см3, крахмалга реакция мусбат. Сизнинг хулосангиз?
   
2. 
   Сут ишлаб чиқариш корхонасиии санитар текшириш натижаси қуйидагича: сутни қабул қилиш лаборатор текширувисиз олиб бориляпти; цехларнинг санитар холати қониқарли; тайёр маҳсулотни лаборатор текширишда қуйидагилар аниқланди: сметананинг кислоталиги - 140°; тиббий китобчаларни текширганда 3 та ходимнинг кўрикдан ўтиш муддати ўтиб кетган. Олинган маълумотлар асосида хулоса беринг.
   
3. 
   Бактериологик лабораторияга келтирилган сут намунасида стафилакокк борлиги аниқланади. Сизнинг хулосангиз.