ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Сутдаги аралашмаларни аниқлаш.
Механик аралашмалар. Сутдаги механик аралашмалар «Рекорд» аппарати ёрдамида аниқланади. Асбоб столга маҳкамланиб сеткасига пахтали фильтр жойлаштирилади ва сут фильтрланади (хажми 250 мл дан кам бўлмаслиги керак). Фильтрлаш тугагандан кейин пахтали фильтр олинади, қуритилади ва эталонлар билан солиштирилиб сутнинг механик ифлосланганлик даражаси аниқланди. Сутнинг механик ифлосланганлиги 4 та даражага бўлинади:

1. 
   Сифатли - филтрда ҳеч қандай чўкма йўқ, бундай сут болалар ва даволаш - профилактик муассасаларга юборилади.
   

1. 
   Сифатли – фильтрда билинар-билинмас чўкма бўлса, бу тоифадаги сут дўконларга, савдо расталарига юборилади.
   

2. 
   Шартли яроқли – фильтрда гўнг ва йиринг аралашмалари аниқланса, сут технологик қайта ишлов бериш учун сут ишлаб чиқариш корзоналарига юборилади.
   
3. 
   Сифатсиз – фильтрда хашак, гўнг, қон, йиринг аралашмалари аниқланса, бундай сут маҳсулотлари истеъмолга яроқсиз ҳисобланади ва йўқ қилинади.
   

Сутнинг кислоталилигини ёки ачиган таъмни камайтириш учун водород пероксиди ёки ичимлик содаси қўшилади. Истеъмол учун мўлжалланган сутда бу қўшимчаларнинг бўлиши тақиқланади.
Консервантлар. Консервантоларни сутга қўшилишига сабаб, унинг кислоталигини камайтиришдир. Бунинг учун водород пероксид, икки водородли сода, крахмал ва бошқалар ишлатилади.
Истеъмол қилинадиган сутларга консервантлар қўшишга рухсат берилмайди. Уларни сифатини аниқлаш учун қуйидаги реакциялардан фойдаланилади.
Содани аниқлаш учун. Пробиркага 3-5 мл сут солиниб, худду шу миқдорда 0,2 %ли разол кислотаси ва 96 %ли спирт солниб аралаштирилади. Сут таркибида сода бўлса, аралашма оч қизил рангга бўялади, агар сода бўлмаса тўқ кўк ранга бўялади.