ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

ТЕКШИРИШ ДАЛОЛАТНОМАСИНИ ТУЗИШ
Далолатнома тузишда биринчи бўлиб маҳсулотни кўздан кечиришдан бошланади. Унда текшириш жойи ва соати, текширувчининг исми, отасининг исми, фамилияси, мансаби, шу жумладан текширишда иштирок этганларнинг ҳам, умумий маҳсулот ҳақида маълумот (келиб чиқиши, хажми, тарани аҳволи, илова қилинган ҳужжатлар мавжудлиги, юкланган ва туширилган вақти), маҳсулотларни кўздан кечирилгандан кейин олинган маълумотлар (сақлаш шароитлари, очилган жойларнинг сони, органолептик текшириш натижалари). Далолатноманинг якунловчи қисмида маҳсулотларда аниқланган ўзига хосликлар қайд этилади. Далолатнома якунланмай қолиши мумкин, агар маҳсулотни лаборатория шароитларда аниқлаш зарурати туғилса.


Озиқ- овқат маҳсулотларидан лаборатор текшириш учун маълумотлар олиш
Озиқ-овқат маҳсулотларидан намуна олишда ҳар бир маҳсулот учун ”Озиқ-овқат маҳсулотлари, ичимликлар ва ранг берувчиларини лабораторияда текшириш учун намуна олиш” ДавСТга амал қилинади. Ҳар бир намуна махсус идишга санитар шифокори томонидан қадоқланади, тамғаланади ва мухрланади. Олинган намуналарга асосан далолатнома тузилади, шу билан бирга корхонанинг санитария журналига маҳсулотдан намуна олганлиги ҳақида ёзади. Намуна олинганлиги ҳақидаги далолатнома икки нусхада тўлдирилади, биттаси лабораторияга юборилади, иккинчиси корхонадаги маъсул шахсга қолдирилади. Олинган намуналарни корхона маъмурияти жавобгарлиги остида қисқа вақт ичида лабораторияга етказиш лозим. Маҳсулот намунасининг олинган вақти илова қилинган ҳужжатда ёзилади, лабораторияда бу вақт рўйхатга олиш журнали ва текшириш натижаси ёзиладиган ҳужжатларга қайд этилади. Намуна олиш далолатномасида текширишнинг мақсади ва сабаби кўрсатилади. Намуна олиш далолатномаси охирида маҳсулот тарқатишга рухсат берилмаслиги, лаборатория натижаларини олгунга қадар сақлаш шароити унинг таркибини ўзгартиришга қўл қўймайдиган шароитда сақлаш лозимлиги ҳақида корхона маъмурияти огоҳлантирилганлиги (маъсул ходим исми шарифи) ёзилади. Режали санитар текширишда намуна олиш далолатномасида ушбу маълумотлар берилиши шарт эмас ва бошқа ҳолатларда санитар шифокорнинг қарорига қараб ҳал қилинади.