ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Намлигини аниқлаш. Металл ёки шиша бюксларга 5 г.дан намуна солиб олинади, ва технокимёвий тарозида тортилади. Бюкслар очиқ ҳолда 130 ⁰С да қуритиш шкафида 40 дақиқа давомида қуритилади. Қуритиш давомида иссиқлик кўрсаткичи назорат қилиб борилади. 40 дақиқадан кейин бюкслар қопқоғи ёпилиб эксикаторда соатига 1-1,5 баробар тезликда совутилади, кейин тортилади.
Ҳисоб-китоб қўйидаги формула ёрдамида ҳисобланади:
a – b
X = ---------------------- x 100
c

Бу ерда: Х – унниг фоиздаги намлиги

а – қуритилгунча бўлган тортма вазни
b – қуритилгандан кейинги тортма вазни
с – уннинг граммдаги миқдори
Кислоталигини аниқлаш. Техник тарозида 5 г ун тортиб олиб, конуссимон колбага солинади. 30-40мл.ли ўлчагичли цилиндр ёрдамида дистилланган сув қуйиб, яхшилаб чайқатилади, 3 томчи 1% ли фенолфталеин томизиб, 0,1 н.ли натрий (калий) ўйувчиси билан пушти рангга киргунча титрланади.
Қуйидаги формула ёрдамида топилади:
А х 100
Х = --------------------------
5 х 10
Бу ерда:
А – титрлаш учун сарфланган 0,1 н.ли ўйувчи нартийнинг миқдори;
100 – кислоталикни 100 г унга ўгирилгани;
5 – ун миқдори;
10 – титрлаш учун кетган 0,1 н.ли ўйувчи натрийнинг 1,0 н.га ўгирилгани.
Қоракуя билан зарарланишини аниқлаш. Қоракуя – асосан буғдойнинг бошоқли қисмини зарарлайдиган замбуруғ ҳисобланади. Буғдойни қоракуя билан зарарланишини кўпинча Гофман синамаси орқали аниқланади. Техник тарозида 10 г ун тортиб олиб цилиндр идишга солиб устига 15 мл этил эфири, 10 томчи олтингугурт кислотаси, 1: 5 нисбатда дистилланган сув қуйилади. Ярим соат тиндиришга қўйилади, вақти-вақти билан эфир қуйиб турилади. Агар ун қоракуя билан зарарланган бўлса, эфирли фильтрат пушти рангга киради. Реакцияни текшириш учун бир неча томчи 7 % ли натрий икки карбонат ангрид қуйиб аралаштирилади ва бир паст дам олиши учун қуйилади. Агар эритма таркибидаги қоракуялар ҳисобига пушти рангга кирган бўлса, натрий икки карбонат ангрид натижасида бинафша рангга киради.