Ushbu yo‘nalishdagi faoliyatga e’tibor mamlakatimizda davlat siyosati darajasiga ko‘tarilgan

O‘n uchinchi bosqich: Ilmiy tadqiqot natijalarining pedagogik samaralarini aniqlash va baholash hamda ularning joriy etishi ishga yo‘riqnomalar tayyorlash.
Bu bosqichning vazifasi aniqlangan pedagogik samaradorlik mezon bo‘yicha tajriba-sinov ishlari natijalarini baholashdan iborat. Bunda, albatta ilmiy-nazariy ishlanmalar va ular orqali hosil bo‘lgan ta’lim texnologiyasini amaliyotda qo‘llash natijasida xosil bo‘lgan axborotlarning aniqlik darajasi muhim rol o‘ynaydi, chunki samaradorlikni hisoblashlardagi foizni belgilash muammosi hamda ularni ko‘rgazmali tasvirlashda aniqlik muhim rol o‘ynaydi.
Bunda pedagogik samaradorlikni aniqlash va baholashda ishlab chiqilgan ta’lim texnologiyasini amaliyotga qo‘llashdagi tajriba-sinov ishi natijalari bo‘yicha muammoga qo‘yilgan maqsadga erishganlikka avvalo tashxis qo‘yiladi. Bu jarayon ham o‘ziga xos ijodiy faoliyat bo‘lib, yangi pedagogik texnologiya, yangi axborot texnologiyalari va ularning samaradorligi kelajakda shug‘ullanayotgan yo‘nalish taraqqiyotiga mazkur ishlanmalar ta’siri salmog‘ini baholay bilishdan iboratdir. Keyin tadqiqot natijasining mos sohasini takomillashtirishga va rivojlantirishga bashorat qilinadi. Bunday tashxis va bashorat orqali ilmiy tadqiqot ishiga xulosa chiqarilib, umumlashtirilib, unda maqsadga erishganlik, tadqiqotning nazariy va amaliy ahamiyati rasmiylashtirilib, yaratilgan ishlanmalarni amaliyotga qo‘llash uchun yo‘riqnomalar, ko‘rsatmalar tayyorlanadi.
O‘n to‘rtinchi bosqich: Pedagogik samarali ishlanmalarni amaliyotga joriy etish uchun uslubiy tavsiyalar va ko‘rsatmalar tayyorlash.
Bu bosqichning vazifasi tadqiqot natijalarini sarhisob qilib, uni amaliy xayotga qo‘llashga tegishli bo‘lgan barcha xujjatlar: yo‘riqnomalar, ko‘rsatmalar va tavsiyanomalar tayyorlashdan iborat.
Tadqiqotning amaliy ahamiyati bahosi rasmiylashtiriladi va lozim topilganda ulardan ommaviy foydalanish uchun monografiya, o‘quv qo‘llanma, o‘quv-metodik qo‘llanma, metodik tavsiyanoma kabilar tayyorlanadi.
Yuqorida sanab o‘tilgan algoritmik bosqichlar doimo o‘zaro aloqadorlikda bo‘ladi. Tadqiqot davomida teskari aloqadorlikka (nazorat uchun) e’tibor beriladigan bo‘lsa, u holda faqat kerakli bosqichlarga murojoat qilinadi.
Bu qayd etilgan algoritmik bosqichlarni joriy etishda o‘z navbatida tadqiqotchidan dastlabki ma’lumotlarni yig‘ish, qayta ishlashdan tortib, to ta’lim modellari yoki modellarini tuzishgacha bo‘lgan ilmiy tadqiqot ishlarini yuqori saviyada olib borish talab etiladi. Tabiyki, bu bilan ishlab chiqilgan ta’lim texnologiyalarining hayotiyligi oshadi va pedagogik samaradorligini ta’minlash kafolatlanadi.
Pedagogoik tadqiqotlarning algoritmik bosqichlarini amaliyotga joriy etishda ma’lumotlarni yig‘ish, qayta ishlash, saqlash, uzatish ishlarini bajaruvchi to‘qqiz algoritmik blok quyidagi funksiyalarni bajaradi: