Ушбу маърузалар матни таълим сощаси «Кимёвий технология ва биотехнология» йыналишларида бакалаврлар тайёрлаш учун «Органик, но

Юқори молекуляр парафинларни ажратиш

Суюқ ва қаттиқ парафинларнинг асосий манбаи нефт ҳисобланади. Нефт таркибига кўра парафинли, нафтенли, ароматик углеводородларга бўлинади.
Парафинли углеводородлар, нормал ва тармоқланган занжирли углеводородлардан; нафтенли беш, олти аъзоли циклик углеводородлардан, ароматик углеводородлар бензол ва унинг гомологларидан, ҳамда конденсирланган ароматик ядролардан таркиб топган. Нефтни тўғридан тўғри атмосфера босимида ҳайдалганда, қуйидаги фракцияларга ажралади; бензин 40-200С гача; лигроин 150-250С; керосин 180- 300С гача; газоил 250-300С. Қолдиқ вакуумда ҳайдалиб мойловчи материаллар олинади.
Ёғловчи мойларда газоил ва керосин фракцияларида 30% гача н-парафинлар учрайди. Уни ажратиб олишнинг бир неча усуллари мавжуд.
Кристаллаш усули. Бу усулда газол ва керосин фракцияларидан н-парафинларни ажратиб олишда қуйидагича экстрагентлардан фойдаланилади:
а) Эритувчи билан;
б) Эритувчисиз.
Бунда тегишли фракцияни рассол билан совитилади. Натижада изоуглеводородлар кристалланади. Унинг таркибидаги нормал парафинлар эса суюқ ҳолатда қолади. Эритувчи билан кристаллашда эритувчи сифатида қуйи молекуляр кетонлар ва ароматик углеводородлар ёки уларнинг аралашмаларидан фойдаланилади. Аралашма тегишли эритувчиларда эритилиб -5-30С совутилади. Кристалга тушган чўкманинг суюқ пропан билан ювилиб қайта кристалланади.

Карбомидли депарафинлаш

Карбомиднинг тўйинган сувли эритмаси 10-40С атрофида нефтга қўшиб ишлатилса нормал парафинлар чўкма ҳосил қилади. Ҳосил бўлган чўкманинг 70-100С сувда ёки сув буғида ажратиб олиш мумкин. Жараён қуйидагича содир бўлади:

R–H  nCO(NH₂)₂  RHnCO(NH₂)₂

Цеолитлар ёрдамида нормал парафинларни ажратиш

Бу усул энг прогрессив усул ҳисобланиб, кейинги вақтда ишлаб чиқаришда кенг қўлланилмоқда. Бу усул билан н-парафинларни ҳар қандай фракциядан 80-98% гача тозаликда ажратиб олиш мумкин. Бу жараён адсорбция ва десорбцияга асосланган. Углеводородлар аралашмаси ҳайдалиб адсорбиловчи калонкага юборилади унда нормал пентан углеводородлари ўзларининг изомерларидан фарқли ҳолатда цеолитларга адсорбцияланади. Адсорбиланган н-парафинлар цеолитдан 300-350⁰С да ёки аммиак ёрдамида десорбиланади.