Умурзоқов Ў. П., Тошбоев А. Ж., Тошбоев А. А. Фермер хўжалиги

Қонуннинг 8-моддасида фермер хўжалигининг устави тўғрисида бўлиб, уставнинг моҳияти, мазмуни, фермер хўжалигини бошқариш, ишлаб чиқаришни ташкил этиш, фермернинг ҳуқуқ ва мажбуриятлари, хўжаликни қайта ташкил этиш ёки тугатиш билан боғлиқ бўлган масалаларни ҳал этиш бўйича Вазирлар Маҳкамасининг 2004 йил 30 октябрдаги 476-сонли қарори билан тасдиқланган “Фермер хўжалигининг намунавий устави” тасдиқланган. Ушбу ҳужжат орқали ҳар бир фермер ўзининг, шароити, ихтисослигини ҳисобга олган ҳолда фермер хўжалигининг уставини қабул қилади.
Қонуннинг 23-моддаси Ишловчиларни меҳнатга жалб қилиш, ҳақ тўлаш, суғурта бадалларини тўлаш каби умумий қоидалар белгиланган. Уларни қандай расмийлаштириш ва амалга ошириш бўйича Меҳнат кодексидан ҳамда Вазирлар Маҳкамасининг 2004 йил 30 октябрдаги 476-сонли қарори билан “Фермер хўжалиги ходимларини ёллаш тўғрисидаги намунавий шартнома” тасдиқланган ҳужжатдан фойдаланилади.
Фермер хўжалиги томондан етиштирилган маҳсулотларни сотиш, моддий таъминот ва сервис хизмат кўрсатувчи ташкилотлар билан бўладиган иқтисодий муносабатлари “Фермер хўжалиги тўғрисида”ги Қонунда белгиланган бўлиб, уни ташкил этиш тартиби Вазирлар Маҳкамасининг 2004 йил 30 октябрдаги 476-сонли қарори билан тасдиқланган “Намунавий контрактация шартномаси”, “Моддий-техника ресурслари етказиб беришга намунавий шартнома”, “Хизматлар кўрсатишга (Ишларни бажаришга) намунавий шартнома” ҳужжатларида акс эттирилган.
Фермер – хўжалик фаолиятини юритиш жараёнида қўлланадиган меъёрий ҳужжатлардан фойдаланишда биринчи навбатда қонунларни ҳаётга тадбиқ этиш бўйича Вазирдар Маҳкамасининг қарорлари билан тасдиқланган ёки Адлия вазирлиги томонидан рўйхатга олинган қонун ости ҳужжатларини ўрганиб чиқишлари ва тегишли модданинг асл моҳиятини билиб олиши лозим. Ундан кейин ўзининг ҳуқуқ ва мажбуриятларини талаб қилишлари мумкин.


Чизма -1. Фермер хўжалигида қонун ҳужжатларидан фойдаланиш тартиби.

				Кодекс, Қонун
				Моддалар
Фермер
				Ҳаётга тадбиқ этиш бўйича ҳужжатлар
			Вазирлар Маҳкамасининг қарори билан тасдиқланган					Адлия вазирлигида рўйхатдан ўтган
				Қарор қабул қилиш