Umumiy psixologiya” fanidan o`quv- uslubiy majmua ta`lim yo`nalishi: Barcha ta`lim yo`nalishlari uchun

Asosiy adabiyotlar:
1. G‘oziev E.G. Ontogenez psixologiyasi. Toshkent, 2010

2. Ivanov F.I, Zufarova M.E Umumiy psixologiya.T.,2018

3. David G. Myers Psychology, USA , 2010

4. Nemov.R.S.Psixologiya. Kniga1, 2,3. Vlados.: 2000

5. G‘oziev E.G. Umumiy psixologiya. Toshkent. 2010

6. A.SHamshetova, R.N.Melibaeva, X.Usmanova, I.Haydarov. Umumiy psixologiya. T. 2018

8-mavzu: Ehtiyoj va qiziqishlarning psixologik tasnifi

Reja:

Ehtiyoj to‘g‘risida umumiy tushuncha. Ehtiyojlar faollikning manbai sifatida. Ehtiyojlarning turlari (individual - yakka shaxsga yo‘naltirilgan ehtiyojlar, guruxiy ehtiyojlar, jamoaviy, hududiy, etnik umumbashariy ehtiyojlar). Inson ehtiyojini rivojlanishi.

Qiziqishning psixologik tasnifi. Qiziqish muammosi psixologik nuktai nazardan - N.A.Ribnikov, N.D.Levitov, M.F.Belyaev, LA.Gordon, L.I.Bojovich, M.G.Davletshin, M V.Vohidov, V.A.Tokareva, E.G‘.G‘oziev va boshqalar tomonidan o‘rganilishi. Psixologiyada qiziqishning turlari va darajalari. Qiziqishning mazmun jihatidan hamda maqsad jihatidan farqlari. Ta’lim jarayoniga ijobiy qiziqishlarni hosil qilish ta’lim samaradorligi omili sifatida.
Huquqiy, demokratik jamiyat kishisi shaxsini shakllantirishga nisbatan qo‘yilayotgan eng muhim talablardan biri unda mehnat qilish ehtiyojini, mehnatdan faxrlanish tuyg‘usini va undan lazzatlanish hissini tarkib toptirishdan iboratdir. Mehnatga nisbatan ehtiyojning vujudga kelishi sanoatda va qishloq xo‘jaligida ishlab chiqa-rishni rivojlantirish, ishlab chiqarish jarayonlarini avtomatlashtirish, mehnat qilish sharoitlarini yaxshilash, mehnat faoliyati umumdorligini oshirish, ish vaqtidan oqilona foydalanish imko-niyatini yaratadi va faqat mehnatdagina o‘z imkoniyatini namoyon etuv-chi, bunyodkor, vatanparvar, fidoiy shaxslarni shakllantiradi. Ki-shilarning iqtisodiy ehtiyojlarini qondiruvchi, ba’zan og‘ir va ze-rikarli tuyulgan mehnat turi vatanparvar, komil insonlikka inti-luvchi shaxs uchun quvonch, qoniqish, hatto rohat-farog‘at his-tuyg‘ularining manbaiga aylanishi mumkin.

YUksak malakali mutaxassislar tayyorlashga qaratilgan «Ta’lim to‘g‘risida»gi qonunda va «Kadrlar tayyorlash milliy dasturi»da o‘quv-chilar va talabalarning mehnat tarbiyasi va kasbga yo‘naltirilishiga alohida ahamiyat berilgandir. Respublika fuqarolarida ma’naviy ehtiyojlarni vujudga keltirish va shakllantirish istiqlol sharofati bilan muhim ahamiyat kasb etib, ijtimoiy tarbiyaning muhim bo‘g‘i-niga aylandi. Huquqiy, demokratik jamiyatning asosiy vazifalari-dan biri insoniy ehtiyojlarni tarkib toptirish, ularni barkamol shaxs kamolotiga yo‘naltirish, ma’naviyatni egallash bilan uzviy bog‘lab amalga oshirishdan iboratdir.