Umumiy lot p65

Linimentum — bosh kelishik birlik sonda.
Linimenti — qaratqich kelishik ko‘plik sonda.
Linimentlar — ko‘pincha moysimon suyuq malhamlar bo‘lib, suyuq yog‘lar ularga asos bo‘lib hisoblanadi: shaftoli moyi (Oleum Percicorum), kungaboqar moyi (Oleum Heluantkum), paxta moyi (Oleum Glossipum) va boshqalar ishlatiladi. O‘simlik moylari teri orqali yaxshi so‘riladi. Linimentlar tana haroratida eriydigan aralashmalardir. Ular malhamlar singari ofitsional va magistral, tarkibiga qarab murakkab va oddiy bo‘ladi. Magistral linimentlar kengaytirilgan turda yozib beriladi, tarkibiy qismlar va ularning miqdori ko‘rsatilib o‘tilgandan keyin «M.f. linimentum» — liniment hosil bo‘lishi uchun aralashtir, deb yoziladi, so‘ngra D.S. keltiriladi.
Misol: Rp.: Chloroformi 5,0 Oleii Helianti 5,0 M.f. linimentum
D.S. Terming jarohatlangan qismiga surtish uchun.

3. 
   Pastalar
   

Pasta — bosh kelishik birlik sonda.
Pastae — qaratqich kelishik ko‘plik sonda.
Pasta qattiq malham hisoblanadi. Pastalar tarkibida kukunsi- mon moddalar kamida 25 % ni tashkil qilishi kerak. Malhamlarda esa, ularning miqdori kamroq bo‘ladi, shu bilan ular bir-biridan farq qiladi. Pastada kukunsimon modda ko‘p bo‘lganligi tufayli adsorbsiyalovchi va qurituvchi xususiyatga ega. Ularni tayyorlashda malham asoslardan tashqari indefferent moddalar: talk (talcum), oq loy (bolus alba), kraxmal (amylum), rux oksidi (zinci oxydum) va boshqalar qo‘shish yo‘li bilan kerakli pasta darajaga yetkaziladi. Pastalar suvlanib turadigan jarohatlarni davolashda qurituvchi vosita sifatida surtish uchun va tishlarni davolashda qo‘llaniladi. Magistral pastalarga kengaytirilgan shaklda retsept yoziladi: dori moddalari nomi, indefferent va malham asosi, shularning miqdori ko‘rsatilganidan keyin «M.fpastum» — pasta hosil bo‘lishi uchun aralashtir deb yoziladi, so‘ngra D.S. qo‘yiladi.
Misol: Rp.: Anaistesini 2,5 Zinci oxydi 20,0 Vaselini ad 50,0 M.f. pastum
D.S. Terming jarohatlangan qismiga surtish uchun.
Ofitsional pastalarni yozishda retsept dori shaklining nomidan boshlanadi, so‘ngra dori moddasi yozilib, pasta miqdori ko‘rsa- tiladi (konsentratsiyasi, odatda, ko‘rsatilmaydi).
Misol: Rp.: Pastae Zinci 20,0
D.S. Terming jarohatlangan qismiga surtish uchun.

4. 
   Shamchalar