Umumiy lot p65

Nojo‘ya ta’sirlari: ko‘ngil aynishi, qayt qilish, qabziyat, nafas sustlashishi va unga nisbatan moyillikning yuzaga kelishi.
Ko ‘riladigan amallar: me’dani yuvish, adsorbentlar berish, tuzli va ich suruvchi dorilar, nafasni qo‘zg‘atuvchi analeptiklar berish.
Og‘ir ahvollarda morfin antagonisti (nalarfin), plazma o‘rin- bosarlari, qon va NaCl eritmalarini yuborish, kerak bo‘lsa, ge- modializ qilish kerak.
Nalorfin (0,5 % — 1 ml amp.) morfin yuzaga chiqargan nafas sustligini o‘z holiga keltirishi mumkin, lekin narkoz, uxlatuvchi dorilar va etanollar bilan yuzaga kelgan nafas sustligiga ta’sir etmaydi.
Morfin o‘rnida promedol, omnopon, pentozotsin, fentonil va boshqalar ishlatiladi. Bulardan pentozotsin nafasga kamroq ta’sir etadi va unga moyillik kam bo‘ladi. Omnopon morfin kabi ta’sir ko‘rsatadi. Unda 5 ta opiy alkaloidlari bo‘lib, shundan 45— 50 % ni morfin tashkil etadi. Preparat morfinga qaraganda ichki organ silliq muskullariga kamroq ta’sir etadi. Bunda spazmolitik ta’sir ko‘proq bo‘ladi.
Morfin bilan o‘tkir zaharlanganda karaxtlik, hushdan ketish, komatoz holat yuzaga chiqadi. Nafas olish susayib ketadi, na- fasning daqiqalik hajmi kamayadi. Cheyn-Stoks tipidagi nafas olish harakati paydo bo‘ladi. Ko‘z qorachiqlari torayadi, ichak va qovuq sfinkterlarining spazmi ro‘y beradi.
Morfin bilan surunkali zaharlanishda morfinizm, eyforiya ho- latlari qayd etiladi. Bemorlar yana eyforiya holatini yuzaga chiqa- rishi uchun preparat olish istagi bilan yashaydi va bu niyatga eri- shish uchun har qanday ishni qilishlari va kuch ishlatishlari mum- kin. Morfinizmni davolash psixiatriya kasalxonalarining yopiq bo‘limlarida preparat dozasini pasaytirish yo‘li bilan olib boriladi.