Umumiy lot p65

Antidepressantlar deb, markaziy asab sistemasiga bog‘liq turli kasalliklarda ro‘y beradigan qayg‘u-alam, tushkunlik, g‘am-g‘ussa, siqilish, psixomotor ezilish kabi simptomlarni davolashda ish- latiladigan dorilarga aytiladi. Ular uch guruhga bo‘linadi:

1. 
   Timoleptiklar, ya’ni monoaminlar ta’sirini oshiruvchilar: imizin 0,25 qobiqli tabl., 1,25 %—2 ml. amp., amitriptilin 0,025 tabl. yoki 1 % — 2 ml. amp.
   
2. 
   Timoerektiklar, ya’ni MAO (monoaminoksidaza) fermenti ingibitorlari: nialamid 0,025 tabl., draje, pirazidol 0,05—0,025 tabl., trisamin.
   
3. 
   Litiy tuzlari: litiy karbonat 0,3 qobiqli tabl.
   

Bu guruh preparatlarining asosiy farqi shuki, timoleptiklar afferent yo‘llar bilan buzilgan depressiv sindromlarga ta’sir etadi, sog‘ odam kayfiyatiga ta’sir etmaydi. Timoeretiklar esa, ham kasal, ham sog‘ odamga ijobiy ta’sir etadi. Shuningdek, timoleptiklar sedativ ta’sirga, timoeretiklar esa, qo‘zg‘atuvchi ta’sirga egadir.
Timoeretiklarni adrenalin, noradrenalin, levodopa, rezerpin kabi preparatlar bilan birga ishlatib bo‘lmaydi, chunki bu pre­paratlar noradrenalin chiqishini oshirib yuboradi. Ular sinaps- lardagi tormozlanish jarayonini oshiruvchi preparatlar (narkoz chaqiruvchi, uxlatuvchi, neyroleptik va M xolinoblokatorlar)ning ta’sirini oshirib yuboradi. Umuman, MAO ingibitorlari bosh ay- lanish, bosh og‘rig‘i, uyqusizlik va og‘izning qurib qolishi kabi nojo‘ya ta’sirlarni yuzaga chiqaradi. Ba’zan esa, taxikardiya, qon bosimining ko‘tarilishi va qo‘rquv xavfi yuzaga chiqishi mumkin.

Psixostimullovchi ta’sir	Antidepressiv ta’sir	Psixosedativ ta’sir
MAO ingibitorlari
Imizin
	Amitriptilin
	1