«умумий педагогика» фанидан маъруза матнлари

Педагогика фанининг мақсади:
Республикамизда комил инсонни вояга етказишнинг бир бутун ҳолатдаги муаммоларини хал қилиш;
Таълим-тарбия самарадорлигини тинмай ошириш ва Дуне талаблари даражасига олиб чикиш масалаларига ижодий ёндашиш;
Умўминсоний қадрият ва миллий маданиятнинг асосларини эътиборга олиб, таълим-тарбия мазмунини, миллий мафкурани шакллантириб бориш имконини яратиш;
Педагогика-тарбияшунослик қоида, қонунларни илғор тажрибалар асосида бойитиб бориш ва янги иш шаклларини излашга тадбирлар белгилаш;
Узлуксиз таълим тизимини янада ривожлаштириш муаммоларини хал қилиш;
“Кадрлар тайёрлаш миллий дастури” ни амалга ошириш.
Педагогика фанининг вазифалари:
Шарқ ва Ғарбда халқ яратган халқ оғзаки ижодиёти, педагогикаси, мутафаккир, маърифатпарвар, педагог ва олимларнинг тарбияшуносликка доир илғор ғояларини ўрганиб, таҳлил килиб, комил инсонни тарбиялаш жараёнини ўрганиш;
Комил инсонни таркиб топтиришнинг қонуният, қоида ва зарурий сифатларини аниклаш;
Педагогикадаги таълим-тарбия назариясини ҳозирги дарв хусусий методикаси билан узвийлик муаммоларини ишлаб чикиш ва янги педагогик технология қонунларига амал қилиш;
Таълим-тарбия назариясидаги қоида, қонун, тамойил, метод ва усулларини мактаб амалий ҳаёти билан боғлаб, бўлажак Ўқитувчиларга ўргатиш;
Халқ таълимини бошқариш ва раҳбарлик масалаларини чуқур ўрганиб бўлажак Ўқитувчиларни қандай тайёрлаш муаммоларини хал қилиш.
Педагогика фанининг мазмуни, мақсади, вазифалари, тамойил, усул ва воситалари умуман, ҳар бир инсон учун зарур бўлган тарбиявий таъсирлар янгича асосга эга бўлиши керак.
Президентимиз И.А.Каримов бу борада шундай деган эдилар:
“Ўзбекистоннинг янгиланиш ва ривожланиш йўли тўртта асосий негизга асосланади:
Умумий қадриятларга содиклиқ
Халқимизнинг маънавий меросини мустаҳкамлаш ва ривожлантириш;
Инсоннинг ўз имкониятларини эркин намоён қилиш;
Ватанпарварлик.” ¹
Педагогика тарихи педагогик таълимотнинг тарихи ва тарбиянинг ривожланиш масалаларини ижтимоий ҳодиса сифатида тадқиқ этувчи педагогик ғояларнинг салбий педагогик ғояларга қарши кўраши тарихини, ҳукмрон табақаларнинг демократияга қарши сиёсатини очиб ташлайди, илғор педагогик ғоялар, ҳур фикрлар, таълим қонуниятларининг айрим олинган тарихий даврдаги ривожланиш тамойилларини таҳлил қилади, муҳим умумий хулосалар чиқаради ва бугунги кун учун долзарб муаммоларни ўртага ташлайди.