Умумий қисм

2. Тижорат банкларнинг бошқарув органлари.
«Банклар ва банк фаолияти тўғрисида»ги Қонуннинг 22-моддасига кўра акциядорларнинг умумий мажлиси, банк кенгаши ва бошқару тижорат банкларнинг бошқарув органлари ҳисобланади
Тижорат банклар, қоида тариқасида, акциядорлик жамияти тарзида ташкил қилиниши сабабли, тижорат банкларнинг бошқариш масалалари «Акциядорлик жамиятлар ва акциядорларнинг хуқуқларини ҳимоя қилиш тўғрисида»ги Қонун меъёрлари билан ҳам тартибга солинади. Бу Қонун асосида 1998 йил 22 августда ЎР ВМ томонидан 361-сон Қарор қабул қилиган ва бу Қарор билан акциядорлик жамиятларни, шу жумладан, акциядор банкларни бошқариш масалаларини янада батафсил тартибга соладиган акциядорларнинг умумий мажлиси тўғрисидаги Намунавий Низом, акциядорлик жамиятларнинг кузатиш кенгаши тўғрисидаги Намунавий Низом, акциядорлик жамиятларнинг ижро органи тўғрисидаги Намунавий Низом, ижро органи раҳбари билан имзоланадиган намунавий шарнома тасдиқланган.
Акциядорларнинг умумий мажлиси банкларнинг олий бошқарув органи ҳисобланади. Ўз мажлисларини умумий мажлис йилига бир мартадан кам бўлмаган тарзда ўтказади ва тижорат банкни қата ташкил қилшн ёки бекор қили, уставга қўшимча ва ўзгаришлар киритиш, банк кенгаши, ижро ва тафтиш органларини ташкил қилиш ва уларнинг фаолиятини тўктатиш каби мутлақ ваколатларга эга.
Банк кенгаши банк фаолиятини назорат қилади, банк сиёсатини шакллантиради, қонунчиликка риоя қилишни таъминлайди. Банк кенгаши аъзоларини сони 5 кам бўлмаслиги керак. Акциядорлардан ташқари банк соҳасидаги олимлар ва мутахасислар банк кенгаши аъзоси бўлшплари мумкин .
Бошқарув банк фаолиятига оператив раҳбарлик қилади ва фаолият натижалари бўйича жавоб беради. Бошқарув фаолиятига банкка жорий раҳбарлик қиладиган, банк ходимларини ишга қабул қилади ва ишдан бўшатади, банкнинг номидан ҳамма давлат органларида, нодавлат ташкилот, муассаса ва корхоналарда ҳаракат қиладиган Раис раҳбарлик қилади.
Банкларда бошқарув органи ҳисобланмаган, лекин банк фаолиятини таъминлайдиган бошқа органлар ҳам ташкил қилиниши мумкин. Бу - банк фаолиятини тафтиш вазифасини бажарадиган ички аудит хизмати, кредит комиссияси ва ҳоказо.