Umrim bahori

Bizlarga meros Vatan,

Topgaymiz e’zoz Vatan.

Bizdan qolsin ertaga,

Hur O’zbeiston Vatan.

Shu Vatan, shu zamin…

Shu aziz diyor barchamizniki!

“Shu savolni o’zingga bir berib ko’rgin sen,

Aytgil do’stim nima qildik Vatan uchu”.

“Vatanni tanlamas inson u bitilgan taqdir”

Qo’limga qalam olib yangi bir sahifani ochib unga yozar ekanman, bevosita, huddiki hayotimda ham yana bir sahifa ochilgandek go’yo. Aslida ham umrimizning har bir boshlanayotgan yangi kuni yangi bir sahifadir. Har bir inson unga o’zi hohlagan narsani yozadi. Hozir tong chog’i bahorning nafis havosi ila o’yg’onganimda atrofga qarab, ko’nglimda yana bir tuyg’u uchqun oladi. Bu bevosita buyuklik Vatan tuyg’usidir. Bu tuyg’uni deraza yoniga turib, qog’ozga tushirar ekanman, kechagina yoqqan yomg’irlarning daraxt barglarida qolgan tomchilari insonlarning quvonch ko’z yoshlariga o’xshaydi. Mana shu sabab hayotimda yana bir kunni, sahifani yozish istagi jo’sh uradi. Barglarda qotib qolgan bu tomchlar menga yana bir ulug’ insonni ta’rifini yodga soladi. Shoir Abdulla Oripov, shoir Usmon Nosirga shunday ta’rif beradi. “Usmon Nosir lablarimizda qotib qolgan nim tabassum” –deya ta’rif beradi. Bunday insonlar hech qachon o’lmaydi. Ularning ro’hi, hayoti, she’rlarida, asarlarida mangu yashaydi.

Darhaqiqat, men ham shu so’zlarni o’qib, ko’nglimda g’alayon otayotgan hislarni hayajon ila qog’ozga tushiraman. Shunday bir buyuk maqsadlar jo’sh urayaptiki, buni tasvirlashga to’g’risi lolman. Vatanim, ota-onam, xalqim uchun shu yurtning buyuk o’g’loni bo’lib yetishmoqchiman. Chunki bu hislatlar bizga buyuk bobolarimizdan, qolaversa, otam Islom Abdug’aniyevich Karimovdan meros. Birgina otajonim Islom Karimovning “Baraka topgur” degan so’zlari menig qalbimda abadiy qoladi. Men shunday bobolarim borligidan faxrlanaman. Kelajakda Vatanim dovrug’ini butun dunyoga tarataman. Shunday inson bo’layki, Xudo hohlasa, xalqaro “Nobel” mukofotini olaman. Shu bilan birga men barcha yurtdoshlarimga aytardimki, Vatanimiz uchun yonib, kuyib yashashingiz kerak. Onajon ishonch bilan ayta olaman, men buyuk inson bo’lib albatta, yoningizga kelaman. Biz o’zbek o’g’lonimiz. Buyuk o’g’lingizni kuting Onajon!