Ulıwma orta bilim beriw mektepleriniń 7-klası ushın sabaqlıq

Kórkem óner, reklama hám sawda tarawındaǵı jańa kásiplerge kelsek
, bul 
taraw da házirgi waqıtta rawajlanǵan tarawlardıń biri. 
Keshe menedjerleri
yubileyler, 
toylar, balalar bayramları, korporativ kesheler, 
treningler, konferenciyalar hám prezentaciyalardı 
rejelestiriw hám ótkeriw menen shuǵıllanadı. 
Olardıń wazıypaları – ideyanı islep shıǵıw, keshe 
ótkeriletuǵın orındı tańlaw hám scenariydi 
tayarlawdan ibarat.
Animatorlar
 
– qonaqlardıń kewlin alıwda 
tikkeley qatnasıwshılar. Bul kásiptiń dáramatı az 
2-SABAQ

---

68
bolǵanı menen, unamlı sezimlerdi adamlarǵa úlese aladı. Ol aktyorlıq, vokal yamasa 
xoreografiyalıq sheberlikke iye adamlar ushın sáykes keledi. 
Reklama tarawında 
media-rejelestiriwshi
kásibiniń ornı ayrıqsha. Ol ǵalaba 
xabar qurallarınıń kompaniyada qollanılıw rejesin dúziw ushın juwapker. Agentlikte 
jumıs islegende, bul qánige marketingge súyenip, ǵalaba xabar qurallarındaǵı reklamanıń 
nátiyjeliligin bahalaydı. Onıń wazıypası kompaniya qárejetlerin optimallastırıw.
Gumanitar kásipler: bilimlendiriw hám medicina
. Bul tarawda 
onlayn 
platforma kuratorı
– aralıqtan oqıtıw kursların shólkemlestiriw, student hám oqıtıwshı 
arasındaǵı baylanıs mashqalaların sheshiw ushın xızmet qıladı.
Transplantologlar
(organ kóshiriwshiler), 
organ islep shıǵarıwshılar, plastik 
operaciya qılıwshılar
kásipleri payda boldı hám rawajlanbaqta.
 (Internet tarmaǵınan)
Tapsırma 2.2. 
Sorawlarǵa juwap beriń. 
1. Bul kásipler haqqında esitkensiz be?
2. Olardıń qaysıları keleshek kásipleri dep oylaysız?
3. Bul kásip atlarınıń qaysıları ózlestirilgen sózler esaplanadı?
4. Bul kásip atlarınıń qaysıları dórendi atlıq, al qaysıları qospa atlıq?