Ulıwma orta bilim beriw mektepleriniń 7-klası ushın sabaqlıq

gáplerdi baylanıstırıw ushın xızmet etip turǵan kómekshi sózlerdi tawıp, 
olardıń kómekshi sózdiń qaysı túri ekenligi haqqında maǵlıwmat beriń.
!
!
!

---

74
Tapsırma 4.1. 
Qutlıqlaw xatların oqıymız hám olardı jazıp úyrenemiz. 
14-yanvar Watan qorǵawshıları kúni múnásibeti menen bayram qutlıqlawı
QUTLÍQLAW
ASSALAWMA ALEYKUM, HÚRMETLI
____________________________________________!
Sizdi Watan qorǵawshıları kúni menen qutlıqlaymız. Sizge jumıslarıńızda 
jetiskenlikler, baxıt, áwmet, dúnyadaǵı eń jaqsı tileklerdi tilep qalamız. Hámme 
waqıt bileklerińizden kúsh-quwat arımasın, júregińiz bolsa Watan muhabbatı 
menen janıp tursın, 
kózlerińiz bárha táǵdirdiń ájayıp sıylıqlarınan jaynap tursın.
Húrmet hám itibar menen: ___________________________
USTAZǴA MINNETDARSHÍLÍQ
Ádiwli ustazım Úmitgúl Júsipbekova! Sizdi 1-oktyabr – Muǵallimler hám ustazlar 
kúni menen shın júregimnen qutlıqlayman! 
Siziń 
pidayılıǵıńız,
kásibińizge bolǵan mehrińizdiń arqasında biz, shákirtlerińiz 
xalıqaralıq olimpiadalarda sıylı orınlardı iyeledik. Siziń kómegińiz, minnetsiz etken 
miynetińiz arqasında bilim bulaǵınan suwsınlanıp, oy-órisimiz jetilisip, mine, búgin 
biyik shıńlarǵa qaray qanat qomlap ushıw aldında turmız. 
Bunıń ushın sizge ómir boyı 
minnetdarmız.
Qaysı jerde, qay awhalda bolsaq ta sizdi umıtpaymız. Bizlerdey shákirtlerińiz 
kóbeye bersin. 
Jas áwladlardı tárbiyalawday iygilikli, juwapkershilikli islerińizde sizge talmas 
kúsh-jiger, tasqın tabıslar tilep qalaman.
Ájiniyaz Tolıbaev
Qońırat rayonı, 3-sanlı ulıwma orta bilim beriw mektebiniń 11-klass oqıwshısı.
BASPASÓZ HÁM ǴALABA XABAR QURALLARÍ 
XÍZMETKERLERINE BAYRAM QUTLÍQLAWÍ
Qádirli doslar!
Bárinen burın, siz, ázizlerdi, tarawdıń húrmetli veteranların Baspasóz hám ǵalaba 
xabar quralları xızmetkerleri kúni menen shın júrekten qutlıqlap, hámmeńizge ózimniń 
joqarı húrmetim hám jaqsı tileklerimdi bildiriwden quwanıshlıman. 
Sizlerdiń bul gezektegi kásiplik bayramıńız 
eń ullı hám eń áziz áyyam
– Watanımız 
ǵárezsizliginiń 30 jıllıq sánesi aldında bolıp ótip atırǵanı oǵan ayrıqsha ruwx hám 
mazmun baǵıshlamaqta.