Ulıwma orta bilim beriw mektepleriniń 7-klası ushın sabaqlıq

1. Gomer kim bolǵan? Onıń dúnyaǵa 
belgili qaysı shıǵarmaların bilesiz? 
2. Qaraqalpaq ádebiyatında da 
keleshektegi robotlardı sóz etiwshi 
shıǵarmalar bar ma? 
3. Unimate ne ushın islep shıǵarılǵan?
4. Miynet ónimdarlıǵı adamlar 
tárepinen islense arta ma yamasa 
robotlar tárepinen islense arta ma?
5. 
Robotlar 
kóbinese 
qanday 
maqsetlerde islep shıǵarılǵan dep 
oylaysız? 

---

119
Joqarıdaǵı jasalma sanaǵa iye Sofiya ismli robotta adamdaǵı qaysı 
qábiletlerdi kórip turıpsız? Olardı sezimler dep atasaq ta bola ma? 
Birinshiden,...
Ekinshiden, ...
Italiyalı xudojnik Andrea Bonacheto hám Sofiya atlı robot tárepinen jaratılǵan 
sanlı kórkem dóretpe 700,000 $ muǵdarında aukcionda satıldı. Sawdanıń nátiyjeleri, 
múmkin, robottıń ózin de tań qaldırǵan shıǵar. Satıp alıwshınıń atı-jóni áshkara 
etilmegen. «Men adamlardıń quwanıshın kórgenimnen, dóretiwshilik iskerliginiń 
bir bólegi bolǵanımnan júdá baxıtlıman», – deydi Sofiya. 
Sofiyanı jaratqan Hanson Robotics kompaniyasınıń tiykarın salıwshısı Devid 
Hensonnıń sózlerine qaraǵanda, tiykarǵı maqset androidtı platforma emes, al shaxs 
sıpatında rawajlandırıw bolǵan. Ol toplaǵan pul muǵdarı bolsa miynetimizdiń zaya 
ketpegenliginen dárek beredi.
Sofiyanıń aytqan gápin modal sózlerdi qosıp qayta jazıń. 
Devid Hensonnıń pikirine qalay qaraysız?
Bul – Alisa atlı robot. 
Bul robottı adamnan 
parqlay alamız ba?
Keleshekte Alisaǵa 
uqsaǵan kóplegen ro-
botlar jaratılsa, olar 
jámiyetimizdiń bir bóle-
gine aylanıwı múmkin 
be?
Alisa – Neyrobotics kompaniyasınıń birinshi antropomorflıq jumısı. Búgingi 
Alisanıń prototipi 2011-jıl noyabrde jaratılǵan. 7 jıllıq tınımsız jumıstıń isleniwi 
tiykarında programmalastırılǵan texnikalıq robot – Alisa islep shıǵılǵan. Házirgi 
waqıtta Alisa sekretar, kómekshi assistent, hátteki, shıpakerdiń járdemshisi 
sıpatında jumıs alıp barıwı múmkin. Robottıń ishki qatlamı suyıq cilikonnan 
islengen, bul insan terisin qáliplestirgen, sonday-aq, júzindegi mimikalardı real 
halatqa alıp kelgen. Robotta 17 mimikalıq hám atqarıwshılıq qábiletler bar.
(Internet tarmaǵınan)