Ulıwma orta bilim beriw mektepleriniń 7-klası ushın sabaqlıq

128
Tapsırma 1.2.
1. Kishkene balalıǵıńızda bolǵan qálegen bir waqıya haqqında 
klaslaslarıńızǵa aytıp beriń, álbette, sózińiz tásirli hám hámmeniń 
dıqqatın qarata alatuǵın bolsın. 
Adamlar aldında sóz sóylewde jetiskenlikke erisiw ushın tómendegi 
másláhátlerge ámel qılıń:
1. Ishki qáweterleniw sezimi menen gúresiwge háreket etiń. Eger siz 
qáweterlenseńiz, onda shıraylı sóz sóyley almaysız. Bul jaǵdayda sizge járdem 
beretuǵın nárseler – bul tájiriybe hám dem alıw shınıǵıwları.
Tapsırma 1.3.
1. Ishki qáweterleniw neden kelip shıǵadı dep oylaysız?
2. Qáweterleniw yamasa onı jeńiw jaǵdayları sizde ushırasqan ba?
3. Eger ushırasqan bolsa siz onı qalay jeńdińiz?
2. Aytpaqshı bolǵan nárseńiz haqqında tolıq maǵlıwmatqa iye bolıń. Demek, 
siz shıǵıp sóylewge tayarlıq kórgen hám temanı jaqsı biletuǵın bolıwıńız kerek. 
Tıńlawshılardıń sorawlarına juwap bere alıwıńız kerek. Yadıńızda bolsın, heshqashan 
tayarlıqsız auditoriya aldına sóz sóylewge shıqpań.
Tapsırma 1.4.
1. Shıǵıp sóylemekshi bolǵan gápińiz ushın maǵlıwmatlardı qalay 
toplaysız? 
3. Waqıttıń shegarasına ámel qılıwǵa háreket etiń. Shıǵıp sóylewińizden aldın 
beriletuǵın waqıtqa qaray sózińizdi rejelestiriń. Sózińizdi uzaqtan aylandıra bermeń, 
tıńlawshı tiykarǵı maqsetke oralaman degenshe sharshap qaladı, biraq júdá qısqa 
sóylew de maqsetke muwapıq kelmeydi, sebebi hámme aytılajaq sózińizdiń tiykarǵı 
mazmunın túsiniwi kerek. 
Tapsırma 1.5.
1. Usı aytılǵan pikirdi naqıl-maqallar yamasa cıtatalar menen berip kóriń. 
4. Qızıqlı tema tańlawǵa háreket etiń. Bunı ózińizde sınap kórseńiz de boladı. 
Aytıp atırǵan gáplerińiz ózińiz ushın qızıqlı ma, qızıqlı emes pe, oylanıp kóriń. 
Tapsırma 1.6.
1. Qaraqalpaq tiliniń til biyligi berilgen kún belgilenip atır. Siz usı