Ulıwma orta bilim beriw mektepleriniń 7-klası ushın sabaqlıq

Tapsırma 3.6.
 
Tómendegi sózlerdiń mánilerin bilip alıń. Imlasına itibar 
beriń. 
Saz-sáwbetli kompoziciya
– kóp hawazlı, kompozitor tárepinen nota jazıwı formasında 
atqarılǵan namalı shıǵarmanıń dúzilisi, ózine tánligi.
Rejissyor
– saxnalıq dóretpelerdiń jaratılıw barısın basqarıwshı adam, 
kartinanıń kórkemlilik hám saxnalıq bólimlerine juwap beredi. 
Orkestr
– namalı dóretpelerdi birgelikte atqarıwshı saz ásbapları jıyındısı hám 
usı ásbaplardı shertiwshi muzıkantlar jıynaǵı.

---

147
VIII BÓLIM. TARIYX ǴÁZIYNELERI
Tapsırma 1.1. 
Súwretlerge qarap, pikirleń.
Áyyemgi dereklerde Jer orta teńizi átirapındaǵı mámleketlerde qurılǵan 
hám óziniń sawlatı, gózzallıǵı menen sol dáwirdiń adamların tań qaldırǵan 
qurılıslardıń jetewine «Áyyemgi dúnyanıń jeti káramatı» dep jazıp qaldırılǵan. 
1-SABAQ
1-TEMA. ASHÍQ ASPAN ASTÍNDAǴÍ MUZEY 
1
2
3
4
5

---

148
Mısr piramidaları
. Áyyemgi Mısrda qaytıs bolǵan faraonlar ushın 
aldınnan arnawlı «úy» – tabıt islengen. Bunday «úy» sarkofag dep atalǵan. 
Faraonlardıń mumiyalanǵan denesi oǵan salınǵan. Keyin bul sarkofag turaqlı 
orınǵa – tastan qurılǵan maqbaralarǵa qoyılǵan. Bul maqbaralar piramidalar dep 
atalǵan. Mısr faraonları tiri waqıtlarında-aq ózlerine úlken taslardan piramida 
formasında maqbaralar qurdırıp qoyǵan. Kitaplardaǵı maǵlıwmatlarǵa qaraǵanda,
piramidalardıń eń úlkenin faraon Xufu (grekler onı Xeops dep ataǵan) qurǵızǵan. 
Xufu piramidasın qurıw ushın 2 million 500 mıń tas sarplanǵan. Eń kishkene tastıń 
awırlıǵı 2,5 tonna bolǵan. Piramida taslarına sonday islewler berilgen, biriniń 
ústine ekinshisi qoyılǵanda, olar tıǵız jabısıp turǵan.