Ulıwma orta bilim beriw mektepleriniń 7-klası ushın sabaqlıq

Tapsırma 3.3.
1. I.Yusupov saxnalastırılǵan shıǵarmasınan kemshiliklerdi ne maqsette 
izlep atır? 
2. Sın pikir bildiriwshilerdiń usınısların ol qabıl etken be?
3. Qızıl menen berilgen gáp gáptiń qaysı túrine kiredi?
Soń ol pyesanıń qoyılıw tariyxı haqqında az ǵana aytıp berdi. 
– Bul pyesanıń ádepten ıǵbalı janbadı. 
Negedur men «mádeniyatshılar» menen 
shıǵısa almadım
.
Ómirbek laqqını ya Jaqsımbay Bekmuratov, ya Shamurat Ótemuratov 
oynaw kerek edi. 
Hákisine alıp, sol jılları bul ekewi de gastroldan bosamadı
.
Aqırı, 
ornına basqa adamlar oynadı. Komik obrazdı komik aktyor oynawı kerek edi-dá!
Biziń áńgimemiz sonıń menen juwmaqlandı. 
Pyesa avtordıń ózinde qaldı
.
Onnan 
berli aradan otız jıldan aslamıraq waqıt ótti. Pyesanıń qoljazbası kimlerdińdur qolında 
turǵan shıǵar. Onı teatrǵa qaytarsa, spektakl bolıp shıqsa, bir sawaplı is bolar edi. 
Pyesanıń avtorı da, onıń bas qaharmanı tariyxıy insan Ómirbek laqqı da biziń milliy 
maqtanıshımız ǵoy, aqırı!
(M.Nızanov)
Tapsırma 3.4.
1. Shıǵarmanıń sátsizlikke ushıraw sebebi nede eken?
2. Avtor qanday sawaplı is haqqında aytıp atır?
3. Qızıl menen berilgen gáplerde baslawısh qaysı sóz shaqaplarınan 
bildirilgen? 
!
Bayanlawıshlar qanday sóz shaqabınan bildiriliwine qaray, 
feyil 
bayanlawısh hám atawısh bayanlawısh
bolıp ekige bólinedi. Bayanlawısh 
jay (dara) sózler arqalı da, eki yamasa birneshe sózlerdiń dizbegi menen 
de bildirile beredi. Usı sıyaqlı ózgesheligine qaray 
jay bayanlawısh hám 
qospa bayanlawısh
bolıp bólinedi
?

---

146
Tapsırma 3.5.
 
Tómendegi tekstten bayanlawıshlardı tawıp, olardıń