Ulıwma orta bilim beriw mektepleriniń 7-klası ushın sabaqlıq

Tapsırma 2.4. 
Tómendegi berilgen teksttegi gáplerden baslawıshlardı tawıp, olardıń 
baslawıshtıń qurılısı boyınsha qaysı túrine kiretuǵınlıǵın aytıń.
Linkoln balalıǵında awıllıq mektepke qatnadı. Mektepte tek bir sabaqlıq bolıp, 
onı muǵallim dawısın shıǵarıp oqıytuǵın edi, al basqa oqıwshılar onıń aytqanın 
birgelikte tákirarlaytuǵın edi. Mudamı shawqım shıǵıp turatuǵın mektepti adamlar 
«Hárreniń uyası»dep ataytuǵın edi. 
Mine, usı «Hárreniń uyası»nda ol bir ómirge tatıytuǵın ádetin ózlestirdi. Ol neni 
este saqlawdı qálese sonı dawısın shıǵarıp oqıytuǵın edi. Advokatlıq otırǵıshında otırıp, 
divanǵa jaqsılap jaylasıp aladı da, ayaǵın otırǵıshqa tirep, gazetanı bar dawısı menen 
baqırıp oqıytuǵın edi. Ol bunı bılay túsindiredi
: «Men qashan dawısımdı shıǵarıp oqısam 
pikir eki aǵza arqalı qabıl etiledi. Birinshiden, neni oqısam, sonı kóremen, ekinshiden, 
men onı esitemen, sonıń ushın júdá jaqsı eslep qalaman».
Onıń yadı ádettegiden tıs ótkir edi. 
«Meniń aqılım, 
–
 
degen edi Linkoln, – 
polat 
bólegine usaydı. Oǵan qanday da bir nárseni jazıw qıyın, al jazılǵannan keyin onı óshiriw 
múmkin emes».
(Jurnaldan)
 Tapsırma 2.5. 
«Men unatqan shıǵarma» temasında dóretiwshilik tekst jazıń. Tekstten 
baslawıshlardıń astın sızıń. 
!
!
!

---

144
Men pyesanı qolıma alarımdı-almasımdı bilmey ekilenip qaldım. Ol meniń 
tartınıp turǵanımdı dárhal túsindi.
– Oqıp kóre ber, pikir tuwılsa oylap kórip ózim jazaman. Men saǵan satirik 
bolǵanıń ushın oqıwǵa berip atırman, – dedi ol.
Pyesanı 
júrek etińkiremey
qolıma aldım. Keshte úyge barıp bir zamanda oqıp 
tasladım. Sonnan uwayım bastı. Ibrayım aǵaǵa qanday pikir aytaman? «Hesh kemisi 
joq» desem meni «qorqaq eken, baslıǵı bolǵan soń tartınıp atır» dep oylasa, «mına jeri 
mınandaylaw eken» dep aytayın desem, hesh 
«mınandaylaw»
jeri joq. Haqıyqatında da, 
pyesanıń waqıyalar dúzilisinde de, dialoglarında da, kerek deseń mashinkada jazılıw 
texnikasında da bir de bir 
múltik
joq. Pyesa qaǵazdıń ózinde 
«oynalıp» 
tur edi. Erteńine 
qoljazbanı
alıp kirdim. Ol mennen qandaydur sın pikir kútkendey sorawlı názer menen 
qaradı.