Ulıwma orta bilim beriw mektepleriniń 7-klası ushın sabaqlıq

Aleksandriya mayagi
. B.e.sh. 283-jılda sol zamannıń ájayıp káramatı – 
Aleksandriya mayagi qurılǵan. Mayak kemelerdiń Aleksandriya qalası portına 
kiriw qáwipsizligin támiyinlewge xızmet etken. Mayaktiń biyikligi 120 metr edi. 
Onıń eń joqarǵı bólimi gúmbez benen qaplanǵan. Gúmbezdiń ústine «teńiz qudayı» 
Poseydonnıń 7 metrlik músini ornatılǵan. Gúmbezdi jıltır granit (taw jınısı) sútinler 
uslap turadı. Onıń ústingi bóliminde túni menen janıp turatuǵın mayak jalını 
teńizshilerge uzaqtan kórinip turadı. Mayak átirapı baqlaw noqatı wazıypasın da 
atqarǵan. 
Hayal qudayı Artemida ibadatxanası
. Hayal qudayı Artemida húrmetine 
Efes qalasında (bul qala házir Turkiya mámleketi aymaǵında jaylasqan) kórgenlerdi 
lal qaldıratuǵın ibadatxana qurılǵan. Ápsanalarǵa qaraǵanda, Artemida Zevstiń 
qızı bolǵan. Ol hasıldarlıq, ań hám Ay hayal qudayı edi. Sol waqıtta haywanlardıń 
ǵamxorshısı, hayallardıń qorǵawshısı bolıp ta esaplanǵan. Artemida ibadatxanasınıń 
jayın jartaslardan islengen 18 metrli bóreneler súyep turǵan. Ibadatxana ishine 
grek súwretshileriniń shıǵarmaları jaylastırılǵan.
Galikarnas maqbarası
. Kishi Aziyada Kariy wálayatı bolǵan. Onıń 
orayı oǵada bay hám sulıw Galikarnas qalası edi. Galikarnas maqbarası b.e.sh.
353-jılı qaytıs bolǵan húkimdar Mavsoldı eslew húrmetine qurılǵan. Bul maqbara 
ibadatxana wazıypasın da atqarǵan. Maqbaranıń eni 66 metr, uzınlıǵı 77 metr, 
biyikligi bolsa 46 metr bolǵan. Biziń dáwirimizge shekem jeti káramattıń ishinde 
tek Mısr piramidaları ǵana jetip kelgen.
Tapsırma 1.2. 
Tómendegi berilgen maǵlıwmatlardıń qaysı tariyxıy 
estelikke tiyisli ekenligin anıqlań. Birinshisi úlgi ushın islep berilgen.
1. Ol birneshe sarkofaglardan ibarat – Mısr piramidası 
2. Ápsanawiy qudaylarǵa arnap qurılǵan 
– ...
3. B.e.sh. IV ásirde qurılǵan