Ulıwma orta bilim beriw mektepleriniń 7-klası ushın sabaqlıq

1. Enciklopediyalıq sózlikler 2. Lingvistikalıq sózlikler
Bul eki sózlikke de tómendegi belgiler tán:
– qatardıń basına tiykarǵı leksema (sóz) shıǵarıladı
– bul leksemalar álipbe tártibinde beriledi
Enciklopediyalıq sózliklerde texnikalıq hám mádeniyattıń barlıq 
tarawlarına tiyisli túsinikler túsindiriledi. Olar tábiyat hádiyseleri, 
jámiyetlik turmıstaǵı waqıyalar, belgili adamlardıń sózge shıǵıwları 
menen túsindiriledi. Sonıń ushın olar túsindirme sózlikke uqsap ketedi, 
biraq olardan sózlerdi qamtıw dárejesine qaray ózgeshelenedi. Bunday 
sózliklerde sózler, ádette, súwretler, karta hám sxemalar menen de 
keltirilip túsindiriledi. 
!
!
!
Tapsırma 2.6. 
«Men robot jaratsam...» temasında sáwbetlesiń. Kiris 
sózler sıpatında sóylewińizde modal sózlerden paydalanıń. 

---

118
Tapsırma 2.7.
Tómendegi tapsırmalardı jazba túrde orınlań. Tapsırmalardı 
orınlawda modal sózlerden ónimli paydalanıń. Olardıń modal sózdiń qaysı 
túrine kiretuǵınlıǵın hám ne ushın paydalanǵanıńızdı aytıp beriń. 
Robototexnika 
tarawındaǵı 
ideyalar eń dáslep áyyemgi grek 
ádebiyatındaǵı Gomerdiń «Illiada» 
dástanında berilgen. Quday Gefestus úy 
xızmetkerlerin otta jaratqan hám olarǵa 
sóylew qábiletinen tısqarı kúsh hám aqıl 
bergen. 
Tolıq avtonom robotlar tek ǵana 
XX ásirdiń ekinshi yarımında payda 
boldı. Dáslepki sanlı basqarılatuǵın 
sistemalı robot – Unimate edi. Bul robot 
eritiw mashinasınan ıssı temir bóleklerin 
kóteriw hám jıynaw ushın islep shıǵılǵan. 
Búgingi kúnde sawda hám sanaat 
robotları keń tarqalǵan. Bul robotlardıń 
miynet 
is 
haqısı 
adamlardikine 
qaraǵanda arzanıraq, ózleri ıqshamlıraq 
hám bekkemirek.