Ulıwma orta bilim beriw mektepleriniń 7-klası ushın sabaqlıq

Bul abzactı modal sózlerdi qollanıp, mazmunın saqlaǵan halda qayta 
jazıń. 

---

120
Tapsırma 1.1.
 
Súwretlerge qarap pikirleń. 
1-SABAQ
2-TEMA. EKOLOGIYALÍQ ZÍYANSÍZ AVTOMOBILLER
?
Tapsırma 1.2. 
Sorawlarǵa juwap beriń. 
1. Siz nelerdi kórip turıpsız? Bul súwretlerdi óz sózińiz benen túsindiriń.
2. Avtomobiller ne ushın kerek? 
3. Avtomobiller ne arqalı háreketlenedi? 
4. Súwrettegi avtomobillerdiń basqa avtomobillerden qanday ózgeshe-
ligi bar?
5. Avtomobillerdegi bul ózgerisler ne ushın islenip atır dep oylaysız?
Elektromobil – kem qárejet sarplanatuǵın, 
ekologiyalıq zıyansız 
avtomobiller 
sıpatında turmısımızǵa kirip kelmekte. Olar qashan payda bolǵan?
Elektromobil 
ishki janılǵı dvigatelinen
aldın payda boldı. 1828-jıl venger 
izertlewshisi Anosh Yedlik elektr quwatlılıǵı arqalı júretuǵın avtomobilge 
uqsamaytuǵın arba islep shıqtı. Biraq Yedliktiń bul oylap tapqan ásbabı injenerlik 
tarawınıń rawajlanıwına jaqsı túrtki boldı. 1841-jıl 
elektromotorlı
arba kórinisindegi 
birinshi elektromobil oylap tabıldı.
Tapsırma 1.3.
 
Qızıl menen berilgen sózlerdiń imlasına itibar beriń 
hám mánisin túsindirip beriń. 
1881-jıl noyabr ayında Parij qalasında Xalıqaralıq elektrikalıq tańlawda 
elektromobil Gustav Truv tárepinen jámáátshilikke usınıldı. 

---

121
1899-jıl Sankt-Peterburg qalasında rus injeneri Ippolit Romanov on jeti
jolawshıǵa arnalǵan birinshi rus elektr mashinasın islep shıqtı. Bul avtomobildıń 
quwatlılıǵı 4 at kúshine teń bolıp, jolawshılardıń orınlarınıń dúzilisi 1898-jıldan 
baslap «Morris-Salom» atlı Amerika firmasında islenetuǵın avtomobillerge uqsatıp 
islendi. Romanov qalalıq jónelisler boyınsha sxema islep shıǵıp, bugingi kúndegi 
trolleybuslardıń islep shıǵarılıwına tiykar salıwshı boldı.