|
44-50
50-51
III bob. Shoira nasrida davr va qahramon masalasi………………………
|
52-76
|
1. Saida Zunnunova hikoyalarida yozuvchi badiiy g’oyasining talqini………………………………………………………………..
|
52-66
|
2. Davr muammolarining qissalardagi tasviri……………………...
III bob bo’yicha xulosa……………………………………………..
|
67-75
75-76
|
Xulosa………………………………………………….
|
77-80
|
Foydalanilgan adabiyotlar ro’yxati………………………………..
|
81-82
|
MUNDARIJA
KIRISH
Mavzuning dolzarbligi. Muhtaram Yurtboshimiz ta’kidlaganlaridek, insonni, uning ma’naviy olamini kashf etadigan yana bir qudratli vosita borki, u ham bo’lsa, so’z san’ati, badiiy adabiyotdir. Adabiyotning insonshunoslik deb, shoir va yozuvchilarning esa inson ruhining muhandislari deb ta’riflanishi bejiz emas.
Xalqimiz orasida mana shu g’oyat mashaqqatli sohaga butun hayotini va noyob iste’dodini bag’ishlab, adabiyotimiz xazinasidan munosib o’rin egallagan, o’lmas asarlar yaratgan buyuk so’z san’atkorlari yetishib chiqqani bilan barchamiz haqli ravishda faxrlanamiz.
Adabiyot so’z san’ati azaldan xalq qalbining ifodachisi, haqiqat va adolat jarchisi bo’lib keladi. Bunda xalqimiz uchun xizmat qilgan shoir va yozuvchilarning o’rni beqiyosdir. Zamonamizning serqirra ijodkorlaridan biri, nasrda va nazmda tanho adibamiz Saida Zunnunova ana shunday zabardast qalam sohiblaridan biridir.
Shu o’rinda Yurtboshimizning ayollar haqida aytgan quyidagi so’zlarini tilga olib o’tishni lozim topdik: “Oilani ham, jamiyatimizni ham birlashtirib, unga fayzu barokat kiritadigan, xonadonlarimizni mehr-muhabbat, nafosat, ezgulik nuri bilan munavvar qiladigan zotlar ham aslida mo’’tabar onalarimiz, munis opa-singillarimizdir”1
Chindan ham ayollarimizning oilada tutgan o’rni beqiyos. Oqila, go’zal ayollar o’zlarining g’amxo’rligi, mehribonligi, qalbidaryoligi bilan oiladagi, qolaversa, jamiyatdagi muvozanatni, poklik, halollik, samimiyat va adolat muhitini saqlab turadilar.
Ulug’ donishmandlar Vatanga eng munosib ta’rif izlaganda, uni ona siymosiga qiyos etganlarida katta ma’no bor. Dunyoda “muqaddas” degan so’zga eng munosib zot ham – Onadir.
“Onani e’zozlash - bizning millatimiz, xalqimiz uchun qadriyat darajasiga ko’tarilgan fazilat. Chunki ayollarni qancha ulug’lasak, hayotimizning chirog’i, umrimizning guli deb e’zozlasak, demakki, oilamizni, Vatanimizni e’zozlagan bo’lamiz”.2 Prezidentimizning ayollarga bunchalar hurmat-ehtirom ko’rsatishlari bejiz emas. Chunki xalqimizning buyuk tarixida o’zining jasorat va matonati, aql-zakovati, nafosat va nazokati bilan o’chmas nom qoldirgan To’maris, Bibixonim, Gulbadanbegim, Zebinniso, Nodira, Uvaysiy, Anbar otin va boshqa yuzlab ayollarimizning nomlarini hamisha ehtirom bilan tilga olamiz. Zabardast qalam sohibasi Saida Zunnunova ana shu buyuk momolariga munosib voris bo’la olgan, oilani ham, ijodni, jamoat ishlarini va davlat ishini ham bir xilda olib borishga erishgan risoladagi ayollardan edi. Boisi na hayot sinovlari, na cheksiz qismat, ish va tahqirlashlar-u tazyiqlar uning irodasini buka oladi. Saida Zunnunova har qanday sharoitda ham oilasiga, sevimli turmush o’rtog’i Said Ahmadga sodiq qoldi. Oilasini asrab, uning obro’si uchun kurashdi. Saida Zunnunova ayol qalbi navolarini nasrda va nazmda chiroyli qilib kuylay olgan iste’dodli ijodkordir. Boisi uning hayotiy hikoyalari, qissalari, she’r va dostonlari adabiyotimizning eng sara namunalariga, kitobxonlarimizning sevimli asarlariga aylangan. Saida Zunnunova bir–birlariga sadoqatli bo’lish, do’stga vafodor, ota–onaga mehribon, vatanni sevish va uning taraqqiyotiga munosib hissa qo’shish, sevimli yoriga sadoqatli bo’lish, mardlik, to’g’ri so’zlikni ulug’lash kabi fazilatlarni har bir insonlarning ongiga singdirish masalasi ustida o’ylaydi va uni insoniy fazilatlarga aylantirish uchun g’amxo’rlik qilib keldi.
Nasrda va nazmda barakali ijod qilgan Saida Zunnunova ijodining o’ziga xos poetik xususiyatlarini o’rganish va baholash, lirikasining g’oyaviy – badiiy mundarijasini hamda asarlarini tadqiq etish mavzuning dolzarbligini belgilaydi.
Do'stlaringiz bilan baham: |
