Udk 800 mahkamova (sodiqova) sayyora saida zunnunova ijodining o’ziga xosligi

Tadqiqotning ob’ekti va predmeti. Qo’yilgan muammoni o’rganish uchun Saida Zunnunovaning “Qizingiz yozdi”, “Gullar vodiysi”, “Gulbahor”, “Gulxan”, “Qizlarjon”, “She’rlar”, “Ko’chalar charog’on”, “Bir yil o’ylari” kabi to’plamlari, shoira she’rlari, dostonlari, qissalari, hikoyalari, shuningdek, adabiyotshunoslarning shoira ijodining tadqiqi yuzasidan e’lon qilgan ayrim maqolalari va suhbatlari ishning ob’ekti qilib olindi.
Tadqiqotning maqsad va vazifalari. Bu ishda Saida Zunnunova ijodini o’rganish va uning o’ziga xos murakkab tadrijini aniqlash, shoira ijodida inson ruhiyatining ifodasini tahlil qilish hamda asarlarida poetik obrazlar va ularda milliy-falsafiy tafakkur ifodalarini aniqlash asosiy maqsad qilib qo’yildi. Bu maqsadga erishishi uchun tadqiqot ishida quyidagi vazifalar amalga oshirildi:
-Saida Zunnunova ijodini o’rganish va shoira lirikasining g’oyaviy – badiiy mundarijasini aniqlash;
-Saida Zunnunova asarlarida poetik obrazlar va ularda milliy-falsafiy tafakkur ifodalari va uning tadrijini o’rganish;
-shoira dostonlarida inson ruhiy olamining tasviri hamda dostonlarda aks etgan ijodkor shaxsiyati ifodasini tahlil qilish;
-Saida Zunnunova nasrida davr va qahramon masalasini o’rganish;
-shoiraning qissanavislik faoliyati misolida mustabid jamiyatning shafqatsiz realizm prizmasidan o’tkazilish jarayonini ochib berish.
-adiba hikoyalarida yozuvchi badiiy g’oyasining talqini masalasini tahlil etish.
Tadqiqotning asosiy masalalari va farazlari. Asosiy maqsaddan kelib chiqib, tadqiqot ishi oldiga quyidagi asosiy masalalar qo’yildi:
- Saida Zunnunova ijodining o’ziga xos xususiyatlarini aniqlash;
- Saida Zunnunova ijodida ayol mavzusiga e’tiborning kuchliligi hamda uning sabablarini aniqlash;
- ijodkorning adabiy-estetik ideali va davr voqeliklariga munosabatini muayyan asarlar tahlili orqali ko’rsatish;
- shoira dostonlarining badiiy xususiyatlarini o’rganish;
- Saida Zunnunova lirikasidagi o’ziga xos poetik obrazlarning ishlatilish o’rinlarini qiyosiy o’rganish;
- Saida Zunnunova nasrida shaxs va davr dramalarining o’ziga xos badiiy talqini tahlil etish;
- adiba ijodining o’ziga xosligini zamondosh shoirlar ijodi bilan muqoyasada ko’rsatib berish;
- tahlil, talqin, kuzatishlarni umumlashtirib, ilmiy xulosalar chiqarish.