Учебно-методический комплекс по "Энтомологии" подгатовлен на основе современной педтехнологии. Настоящий комплекс подготовлен на основании действующей

1. Jag‘lilar 
(Laciniata)
kenja turkumi
vakillarining og‘iz organlari 
chaynovchi tipda tuzilgan. Lichinkalari 8 juft qorin oyoqli, g‘umbaklari erkin, 
qimirlovchi jag‘li. Qanotlari tuzilishi jihatdan sodda. 
Mayda kuyalar shu kenja turkumga kiradi. Ularning qurtlari mox yoki 
lishayniklar bilan oziqlanadi va xo‘jalikda ahamiyati yo‘q.
 
2. Tuban so‘ruvchilar yoki teng qanotlilar 
(Jugata)
kenja turkumi. 
Bularning og‘iz organlari, agar rivojlangan bo‘lsa, so‘ruvchi tipda, yuqori jag‘i yo‘q 
yoki rudimentga aylangan, pastki jag‘i xartumga aylangan, paypaslagichli. Oldingi va 
keyingi qanotlari bir- biriga o‘xshash. Qurtlari 5 juft qorin oyoqli, g‘umbagi erkin 
yoki yarim erkin. 
Bu kenja turkumga qadimgi va sodda tuzilish belgilarga ega bo‘lgan kapalaklar 
kiradi. Ko‘proq Avstraliyada uchraydi. Ingichka to‘qirlar (Hepialidae) oilasining 
turlari ko‘proq bo‘lib, bir turi (Hepialus humuli)ning qurtlari tuproqda yashaydi va 
zarar keltiradi. 
3. Oliy so‘ruvchilar yoki turli qanotlilar 
(Frenata)
 kenja turkumi
vakillari 

---

202 
og‘iz
organlari rivojlangan bo‘lsa so‘ruvchi tipda, jag‘ paypaslagichlari yo‘q, faqat 
tuban formalarda saqlangan. Ikki juft qanotlari shakl va tomirlanishi jihatidan bir xil 
emas, oldingilari keyingilariga nisbatan yirikroq. Orqa qanot radial tomiri 
shoxlanmagan. Qanotlari bir- biriga ilgakcha yordamida birikadi. Bu kenja 
turkumning 70 dan ortiq oilalari bo‘lib, mayda turli qanotlilar va yirik turli qanotlilar 
guruhlarga bo‘linadi.
Mayda turli qanotlilar 
(Microfrenata)
guruhi. Bularga qanotlari yoyilganda 
20-25 mm keladigan mayda kapalaklar kiradi. Orqa qanotlaridagi 3 ta anal tomirlari 
taraqqiy topgan yoki ular tuksimon tangachalardan vujudga kelgan, hoshiyali. 
Qurtlari ko‘pincha yashirin holatda yashaydi, bir qancha oilalari bor.