У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

Фанни ўқитишда янги педагогик ва ахборот технологиялари
“Ўзбекистоннинг ижтимоий-иқтисодий ривожлантириш стратегияси” фанини маърузаларда тўлиқ ўзлаштирилишини таъминлаш мақсадида мавзуларда кўриладиган масалаларни моҳиятидан келиб чиқиб, илғор ва замонавий ахборот технологиялари усулларидан фойдаланиш, янги информацион-педогогик технологияларни татбиқ этиш муҳим аҳамиятга эгадир.
Бу усулларни натижавий даражасини ошириш учун ҳар бир мавзуни ёритишда компьютер технологиялари, тарқатма материаллар, электрон материаллар, Power Point ва Excel компьютер дастурлари, мультемидия воситалари ҳамда Интернет саҳифалари ва хизматларидан фойдаланиш тавсия этилади.

АСОСИЙ ҚИСМ

ФАН БЎЙИЧА МАЪРУЗА МАВЗУЛАРИ ВА УЛАРНИНГ МАЗМУНИ


«Ўзбекистоннинг ижтимоий-иқтисодий ривожланиш стратегияси» фанининг мақсади ва вазифалари
Ижтимоий-иқтисодий стратегиянинг мазмун-моҳияти. “Ўзбек модели”нинг негизини ташкил этадиган тамойиллар асосида тадрижий тараққиёт дастури. Жаҳонда глобаллашув жараёнларининг кучайиб бориши. Жаҳон иқтисодиётидаги бугунги аҳволни таҳлил қилиш асосида чиқарилган хулосалар. Миллий маҳсулотларни диверсификация қилиш бўйича эришилган натижалар. Макроиқтисодий кўрсаткичлар ва уларнинг моҳияти. Эндоген ва экзоген ўзгарувчилар. Иқтисодиётнинг доиравий айланиш механизми. Миллий даромад ҳисоблари: ишлаб чиқариш ҳажми, даромад ва харажатларни ҳисоблаш. Реал ЯИМ, нархлар индекси ва инфляциянинг ўзгариши. Аҳоли фаровонлигини баҳолаш муаммолари. «Ўзбекистоннинг ижтимоий-иқтисодий ривожланиш стратегияси» фанининг мақсади ва вазифалари.


Миллий иқтисодиётда макроиқтисодий барқарорликни таъминлаш
муаммолари
Жаҳон иқтисодиётида кузатилаётган ўзгаришлар ва турли салбий тенденциялар. Мамлакатимиз иқтисодиётини ривожлантириш борасида қўлга киритилган натижаларнинг халқаро молия ташкилотлари томонидан юксак баҳоланаётгани. Иқтисодиётимизда юз бераётган жиддий таркибий ва сифат ўзгаришлари. Жаҳон иқтисодиётидаги аҳволни таҳлил қилиш асосида чиқарилган хулосалар.
Мамлакатимиз ЯИМ ўсиш суръатларининг барқарорлигини таъминлашда иқтисодиётдаги етакчи тармоқларнинг ўсиш суръатлари. Саноатни ривожлантиришнинг асосий омиллари. Ташқи савдо айланмаси таркибидаги ижобий ўзгаришлар. Давлат бюджети харажатларини оптималлаштириш. Янги саноат йўналишларининг ривожлантирилиши ҳамда хусусий сектор молиявий ҳолатининг мустаҳкамланиши.