У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

Ўқув фанининг мақсад ва вазифалари
Фаннинг мақсади – тингловчиларда мамлакатимизда ижтимий-иқтисодий ривожланишни таъминлашда олиб борилаётган иқтисодий сиёсатнинг мазмун-моҳиятини, ишлаб чиқаришни модернизациялаш йўлида қабул қилинаётган комплекс чора-тадбирларни, босқичама-босқич амалга оширилиб келинаётган ислоҳотларнинг туб моҳияти бўйича назарий-амалий билим ва кўникмаларни ҳосил қилишдан иборат.
Фанининг вазифалари – тингловчиларда мамлакатимиз иқтисодиётининг юқори барқарор ўсиш суръатлари ва макроиқтисодий кўрсаткичлар; иқтисодиётда таркибий ўзгаришларни амалга оширишнинг моҳияти; молия-банк тизими ликвидлигини янада мустаҳкамлаш; қишлоқ хўжалигини ислоҳ қилиш ва фермер хўжаликларига бириктирилган ер участкаларни оптималлаштириш орқали аграр секторда юз берган таркибий ўзгаришларни; хизмат кўрсатиш ва сервис соҳасида амалга оширилган тизимий ишлар; мамлакатни модернизация ва иқтисодиётни диверсификация қилишда инвестициялар, уларнинг кўлами; меҳнатга лаёқатли аҳолини иш билан таъминлаш бўйича амалга оширилган ишлар; таркибий ўзгаришлар ва юксак технологияларга асосланган замонавий тармоқлар ва ишлаб чиқариш соҳаларини жадал ривожлантириш; чет эл инвестицияларини кенг жалб қилиш; кичик бизнес ва хусусий тадбиркорлик мамлакатимизда янги иш ўринларини ташкил қилиш; жаҳон молиявий-иқтисодий инқирозининг жиддий таъсирларига қарамай мамлакатимиз иқтисодиётининг барқарор ўсиш суръатларининг таъминланганлиги тўғрисида тингловчиларда ҳар томонлама асосланган, реал нуқтаи-назарларни шакллантириш ҳамда билимларни чуқурлаштиришдан иборат.
“Ўзбекистоннинг ижтимоий-иқтисодий ривожланиш стратегияси” фани Давлат таълим стадарти (ДТС) асосида тузилган намунавий ўқув режага мувофиқ мутахассислик фанлари блокидаги барча предметлар билан боғлиқдир ва уларни маълум маънода тўлдиради. Бундан ташқари “Бозор иқтисодиётини давлат томонидан тартибга солиш”, “Инвестицион таҳлил”, “Халқаро молия бозори ва институтлари”,“Инвестицон лойиҳа рисклари ва уларни бошқариш” фанлари (курслари), мутахассисликка йўналтирувчи “Инвестицион сиёсат”, “Монополияга қарши бошқарувнинг институционал асослари”, “Антимонопол сиёсат ва нархларни бошқариш” каби олий таълим тизими магистратура босқичига киритилган махсус билимларни чуқурлаштиришга кўмаклашади.