Тузувчидан Ушбу "Электр схемаларни ўқиш"

11. Электр энергияни истеъмолчиларга тақсимлаш схемаси
Квартирани электр энергия билан таъминлаш принципиал схемаси
28- расмда кўрсатилган. 
28-расм. Квартирани электр энергияси билан таъминлаш принципиал 
схемаси 
Магистралдан PI электр энергиясининг ҳисоблагичи орқали квартирага 
икки линия кетган: биринчиси SF1 автоматик ўчиргич (автомат) орқали 
ёритиш занжирларига, иккинчиси бўлса SF2 автомати орқали штепселли 
розеткаларга боради. Схеманинг ёритиш линиясига S1ўчиргичи орқали EL1 
лампаси, S2 коммутатори орқали EL2 – EL4 лампалардан ташкил топган 
люстра, S4 ўчиргичи орқали EL5 лампаси ва S3 ўчиргичи орқали EL6 ва 
EL7 лампалар уланган. Розеткалар линиясига Х1 ва Х2 штепселли 
розеткалар уланган. Улардан стол лампаси ва электр рўзғор асбоблари 
ишлатилиши мумкин. Квартира уч фазали магистраль тармоқнинг А 
фазасидан манба олади (квартирага киритилган иккита сим магистралнинг 
А фазаси ва ноль N симига уланган). 
Саноат истеъмолчилари кучланиши 1000 V гача бўлган уч фазали 
электр тармоқдан манба олади. 
Электр энергиясини саноат корхоналарига тақсимлаш 
қурилмаларининг, ноль сими алоҳида кўрсатилган ва кўрсатилмаган, уч ва 
якка линияли принципиал схемалари 29,а-в-расмда келтирилган. 
Заводнинг 0,4 kV подстанциясига (29,а-расм) QF1 автоматик 
коммутатор орқали СВ конденсаторлар батареяси уланган, QF2 автоматик 
коммутатори орқали тақсимловчи йиғма қурилмаси (сборка) (ёки 
тақсимловчи ток ўтказгичи) уланган. Тақсимловчи йиғма қурилмасидан 
КМ1 ва КМ2 электромагнит контакторлар ҳамда F1 ва F2 эрувчан 

---

46 
сақлагичлар орқали М1 ва М2 электромоторлари, S ўчиргичи ва F3 эрувчан 
сақлагич орқали манбага ЕК электр печи уланган.
29-расм. Электр энергияни саноат истеъмолчиларига тақсимлаш 
системасининг электр принципиал схемаси. 
а- уч чизиқли; б, в – якка чизиқли, ноль сими ажратиб кўрсатилган ва кўрсатилмаган
. 
29,б-расмда учта А, В ва С фазалар якка чизиқ билан кўрсатилган (чизиқлар 
устидаги учта қия чизиқча учта линия якка линияга уйғунлашганини 
кўрсатади), ноль сими бўлса алоҳида ажратилиб кўрсатилган. Принципиал 
схемани бу усулда кўрсатилиши электр энергия уч ва бир фазали 
истеъмолчиларга тақсимланганида қулай бўлади. 29,в-расмда учта линия 
қўшиб кўрсатилганида учта қия чизиқча, тўрт линияли – тўрт чизиқча 
билан белгилаб қўйилган. 
10 kVли подстанциянинг якка линияли электр принципиал схемаси
30-расмда келтирилган. Подстанцияга манба W1 линиясидан линияли QS1 
ва шинали QS2 ажратувчилар ва Q1 юқори вольтли ўчиргич орқали 
берилади. 
Чизиқли ажратувчи Ерга улаш пичоқлари QSG1 билан таъминланган. 
10 kVли кучланишни тақсимлаш қурилмасининг йиғма шиналарига QS3 
ажратувчи коммутатор орқали FV разрядниги, QS4 ажратувчи коммутатор 
ва Q2 ўчиргичи орқали Т қувват трансформатори ва QS7 ажратувчи 
коммутатор орқали TV кучланиш трансформатори уланган. 10kVли 
шинадан чиққан W1 ва W2 линиялари унга QS5 ва QS6 ажратувчи 
коммутаторлар, Q3 ва Q4 ўчиргичлар ҳамда LR1 ва LR2 реакторлар орқали 
уланган. Трансформатор Т ва W1 , W2 линиялар занжирида ТА1 – ТА3 
ўлчаш трансформаторлари ўрнатилган. 
Т трансформаторидан QF автоматик контактор орқали 0,4 kV ли 
тақсимловчи шина манба олади. Бу шинадан S1 – S3 ўчиргичлари ва 

---

47 
30-расм. 10 kV электр подстанциянинг якка линияли принципиал схемаси 
F1 – F3 эрувчан сақлагичлар орқали W4 – W6 линиялари чиқиб кетган. 
Бу принципиал схемада якка линияга уйғунлашган линиялар сонини 
кўрсатишга ҳожат йўқ, чунки 10 kVли тармоқ изоляцияланган нейтралига 
эга бўлади ( ноль сими бўлмайди), Т трансформаторининг иккиламчи 
ўрамлари уч бурчак схемасида уланганлиги унинг шартли белгисидан 
кўриниб турибди. 
Учта тақсимлаш қурилмадан ташкил топган 110/35/10 kV кучланиш 
подстанциясининг якка чизиқли принципиал схемаси 31-расмда 
келтирилган.