«turon-iqbol»

YULDUZ
Osmondagi son-sanoqsiz, 
Yulduzlarga bir boqing.
Yuragimga yangi orzu,
Chechaklarini taqing.
MAKTAB
Yigirma ikki o‘rtoq,
Juda ahil, inoqmiz.
Sinfdoshmiz, chin sirdosh,
Ko‘ngli toza, quvnoqmiz.

---

154
Ilk qadam
Erta kelajak tomon,
Albatta yo‘l olamiz.
Buyuk maqsadlar bilan,
Doim birga qolamiz.
XOTIRA
Obod Vatan bag‘rida,
Umid guli so‘lmaydi.
Tinchlik-chun kurashganlar,
Mangu yoddan o‘lmaydi.
TABIAT
Tabiat go‘zalliging,
Juda yaxshi ko‘raman.
Toza havo tuyay deb,
Erta tongda turaman.
Oh, go‘zal erur tonglar,
Shukrona bor tilimda.
Yashashga kuch uyg‘otar,
Hislar mening dilimda.
ONA TILIM
Ona tilim – boyligim,
So‘zlar tuzaman qator.
Mazmun berar, umrimga,
Har so‘zida sehr bor.
Tafakkur durdonasi,
Navoiy bobom so‘zi.
Toabad gullagaydir,
U mullatim ko‘zgusi.

---

155
Ilk qadam
Narzullayev Ilhomjon Shuhratilla o‘g‘li 
1997-yil 7-martda Samarqand viloya-
ti Narpay tumani Ko‘k ota qishlog‘ida 
tug‘ilgan. 2013–2016-yillarda Samarqa-
nd harbiy akademik litseyida (Temur-
beklar  maktabi)  tahsil  olgan.  Hozirda 
N.Ye.Jukovskiy va Yu.A.Gagarin nomi-
dagi Voronej Harbiy Havo akademiyasi-
ning 3-kurs kursanti. 
"Qalbim  gavhari"  (2016)  va  "Ona  allasi"  (2017)  nomli 
she’riy to‘plamlar muallifi.
BOLALIGIM
Xursand bo‘lib, lekin tezda yig‘lagan kun,
Armonlar-u qayg‘ularni bilmagan kun,
Xotirasi bugun bag‘rim tig‘lagan kun,
Yana bir bor eshitsaydim ertaklaring,
Bolaligim, bo‘lar edim ermaklaring. 
 
Onam kunda qadab qo‘ygan ko‘zmunchog‘im,
Yig‘laganda yupatgan ul ovunchog‘im,
Bo‘lmasa ham mayli garchi o‘yinchog‘im,
Yana bir bor eshitsaydim ertaklaring,
Bolaligim, bo‘lar edim ermaklaring. 
Qo‘yar edim erkaligim chetga surib,
Osmonlarda uchmas edim yerda yurib,
Ulg‘ayishning g‘avg‘olarin bilmay turib,
Yana bir bor eshitsaydim ertaklaring,
Bolaligim, bo‘lar edim ermaklaring. 

---

156