Turnikka aylanib chiqish

ERKIN USUL
Qo‘llar va oyoqlarning simmetrik va monand harakatlanishi bilan ifodalanadi (- rasm). Bu usulda har-bir harakat sikli qo‘llar bilan ikkita birin-ketin harakat, oyoqlar bilan oltita birin-ketin harakat, bir marta nafas olib va bir marta suvga nafas chiqarishdan iborat bo‘ladi. Kursantning tanasi suv ustida gorizontal joylashadi, yuz suvga tushirilgan.

-rasm. Erkin usulda suzish

Oyoqlar harakati
Oyoqlar uzluksiz, monand, bir-birlari tomon, yuqoriga-pastga harakatlanishadi, boldir-tovon bo‘g‘imlari orasidagi amplituda 30-40 santimetrga teng.

Ikkala oyoqning harakatlari bir-xil bo‘lganligi sababli texnikani bir oyoq misolida ko‘rib chiqamiz.
Tayyorlov harakatlari. Dastlabki holatda oyoq tizza bo‘g‘imida to‘g‘rilangan, tovon ichkariga burilgan. Tanaga nisbatan oyoq egilgan holatni egallab, tos-son bo‘g‘imida bukilgan holatda bo‘ladi. Yuqoriga harakat oyoqni tos-son bo‘g‘imida yozilishidan boshlanadi. Gorizontal holatgacha oyoq to‘g‘riga harakatlanadi, keyin tizza bo‘g‘imida bukiladi, boldir bilan tovon esa yuqoriga tez harakatini davom ettiradi. Bu vaqtda oyoq tos-son bo‘g‘imida bukilib pastga harakatlanadi.
Ishchi harakat (yuqoridan pastga). Oyoqni pastga harakati uni tizza va boldir-tovon bo‘g‘imlarini (eshishning oxirida) birin-ketin yozilishidan boshlanadi. Bu vaqtda butun oyoq tizza bo‘g‘imida to‘la yozilguncha pastga harakatlanadi, son esa boldir va tovondan o‘zib yuqoriga harakatini boshlaydi. Natijada tovon ko‘tarish kuchini hosil qilib tanani suv ustida ushlab turish va uni oldinga harakatlanishi imkonini beradi.
Oyoq tizza bo‘g‘imida to‘g‘rilanganda ishchi harakat yakunlangan hisoblanadi.