Turnikka aylanib chiqish

-rasm. Brass usulida suzish



START
Chalqancha suzishdan tashqari start supachadan amalga oshiriladi.
Dastlabki «Joylar egallansin» komandasi berilgach, harbiy xizmatchilar start olish supasining ustiga chiqib, ortki chetiga yaqin nuqtasiga turadi. «Startga» komandasi berilgach, oyoq kaftlari orasidagi masofa 15-20 santimetrga ochilib, barmoqlari bilan supaning old qirrasi siqib olinadi. Tizza bukilib, gavda oldinga engashtirilgan holatda qo‘llar orqaga tortiladi. «OLG‘A!» komandasi berilganida qo‘llar oldinga siltanadi, oyoqlar bilan supaga itarilgancha oldinga baland sakraladi., tana havoda to‘g‘ri tutib olinib, bosh qo‘llar orasiga tushiriladi, oyoqlar birlashtiriladi, oyoq uchlari cho‘ziladi. Suvga kirishning optimal burchagi 20-25⁰, sirpanish chuqurligi 40-50 santimetrni tashkil etadi. (-rasm).

-rasm. Start holati

Suvdan start olganda hushtakdan so‘ng talaba suvga sakrab tushib start supasigi suzib kelishadi.
Ikkinchi hushtakdan so‘ng start uchun dastlabki holatni qabul qiladi: start dastaklaridan ushlab oyoqlar tizza va tos-son bo‘g‘imida kuchli bukiladi va tizzalar ko‘krakka olib kelinadi; bir vaqtning o‘zida oyoq tovonlari panjalar suv yuzasiga ko‘rinmaydigan qilib basseyn devoriga tiraladi. Tovonlar orasidagi masofa 10-15 santimetr.
Start singali bilan talaba tanasini biroz yuqoriga ko‘tarib, bir vaqtning o‘zida qo‘llari dastakni qo‘yib yuborib yelkalar va qo‘llar orqaga yo‘naltirilib tos-sonni suvdan ko‘taradi va oyoqlar bilan kuchli depsinib qo‘llar bosh orqasi tomon uzatiladi. Uchish fazasini boshida tana cho‘ziladi. Suvga kirishdan oldin bosh orqaga yo‘naltirilib ko‘krak qafasi qismidagi umurtqa yuqoriga ko‘tarilib egiladi, qo‘llarni tirsak bo‘g‘imida to‘g‘rilab oxirigacha orqaga yuboriladi. Talaba qo‘llari va boshi bilan 8–9° burchak ostida suvga kiradi. Sirpanish chuqurligi 50 santimetr atrofida.
Supadan start olishni o‘zlashtirish uchun asosiy mashqlar
Quruqlikda. Start holatidan qo‘llar bilan pastga-oldinga-yuqoriga g‘ayratli harakat qilinib, bir vaqtning o‘zida oyoqlar va tana to‘g‘rilanadi, qo‘llar yuqoriga ushlanib (bosh qo‘llar orasida) tortiladi.
Start holatidan biroz o‘tirib, keyin olinga va balandga kuchli depsinish; qo‘lllar harakati pastga-oldinga-yuqoriga.
Suvda (faqat chuqur joyda bajariladi).
Yarim o‘tirish holatidan suvga yiqilish; qo‘llar yuqorida, bosh qo‘llar orasida.
Tizzaga o‘tirgan holatdan(depsinmasdan) suvga yiqilish; qo‘llar yuqorida, bosh qo‘llar orasida.
Yarim o‘tirish holatidan boshlarni oldinga qilib sakrash; qo‘llar yuqorida, bosh qo‘llar orasida.
Start holatidan supadan sakrash.
Suvdan start olishni o‘zlashtirishning asosiy mashqlari
Quruqlikda. Start holatidan qo‘llarni yoy shaklida oldinga-yuqoriga, bosh orqaga tashlanadi, oyoq uchiga turib tanani yozish.
Xuddi shuni o‘zi sakrash bilan.
Xuddi shuni o‘zi yarim o‘tirgan holatdan.
Suvda. Start holatidan, taxtachani ushlab qo‘llarni suvga tushirib bosh orqasiga to‘g‘rilash, tanani suvga botirib, - depsinish, sirpanish.