Turnikka aylanib chiqish

-rasm. Harbiy kiyimda, qurol bilan suzish

Tayyorlanish quyidagi tartibda amalga oshiriladi: oyoq kiyimlar echiladi, ust kiyimning bo‘yin va qo‘l tugmalari echiladi, shim cho‘ntaklari tashqariga ag‘dariladi.
Kiyim qopi bilan suzishda uning ichi yengil suzuvchi narsalar bilan to‘ldiriladi (po‘kak, somon, o‘t) va bog‘lanadi. Oyoq kiyim qop ustiga bog‘lanadi. Kiyim qopi ustki qismi bilan olinib oyoqlar ilgichlaridan o‘tkazib kiyiladi va belga mahkamlanadi. Avtomat belga olinib suzish harakatlarini bajarish jarayonida yelkadan tushib ketmasligi va suzishga xalaqit qilmasligi uchun tasmasi qulay qilib tortiladi.
Qo‘l osti vositalaridan (to‘sinlar, yog‘ochlar va h-zo) foydalanganda qo‘llar bilan ushlab (yoki ustiga ko‘krak bilan yotib) oyoqlar bilan eshish harakatlari bajariladi. Agar qo‘l osti vositasini bir qo‘llab ushlash mumkin bo‘lsa ikkkinchi qo‘l eshish harakatlarini bajaradi. Sust suzuvchi kursantlar bir-biriga parallel qilib bog‘langan to‘sinlarda suzib o‘tishadi. .
Suv to‘siqlaridan arqon, po‘lat tros, aloqa simi yordamida oshib o‘tish quyidagicha amalga oshiriladi: arqonga po‘kaklar(yog‘ochlar) bog‘lanadi, bir talaba uni suv to‘siqlari uzra tortib o‘tib qarama-qarshi qirg‘oqqa bog‘laydi. Qolgan kursantlar birin-ketin oraliq masofani 5-7 metr saqlagan holda suvga tushishadi, arqonni ushlab u orqali narigi qirg‘oqqa o‘tishadi.
Harbiy kiyimda, qurol bilan qo‘l osti vositalarisiz suzib o‘tishda bras va yonda suzish usullaridan foydalaniladi (- rasm). Harakat kuchini tejash maqsadida shoshilmay suziladi, bir maromda va chuqur nafas olinadi, qo‘llar suv ustiga chiqarilmaydi.
Kiyimda, qurol bilan suzish quyidagi tartibda amalga oshiriladi:
• sayoz joyda, qo‘l osti vositalarini ushlab suzish (15–25 metr);
• chuqur joyda, qo‘l osti vositalarini ushlab suzish (100 metrgacha);
• qo‘l osti vositalarisiz suzish (25–75 metr);
• po‘kaklar (yog‘ochlar) bog‘langan arqon yordami suv to‘siqlaridan (eni 20-30 metrgacha) oshib o‘tish.