Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qurilish majmuasining iqtisodiyotdagi o‘rni

	2000	2005	2010	2016
Qurilish ishlari hajmi, mlrd. so‘m	388,4	1453,1	8245,8	30231,4
Qurilish ishlari hajmi o‘sishi, o‘tgan yilga nisbatan, %	103,0	110,7	105,1	110,2
Qurilishning qo‘shilgan qiymatdagi ulushi, %	6,9	5,4	6,6	7,2
Qurilishning asosiy kapitalga kiritilgan investitsiyalarda ulushi, %	0,5	0,9	1,4	1,9
Qurilishda bandlar soni, ming kishi	676,0	849,0	1065,1	1250
Qurilishning bandlikdagi ulushi, %	7,5	8,3	9,2	9,4

Qurilish tarmog‘i 2016 yilda asosiy kapitalga kiritilgan investitsiyalarda 1,9 foiz, jami bandlar sonida 9,4 foiz hissaga ega bo‘ldi. 2016 yilda qurilish ishlari hajmi 2015 yilga nisbatan 10,2 foizga ko‘p bajarildi.

Qurilish ishlari ko‘lamini va sifatini yaxshilash bo‘yicha tizimli chora-tadbirlar amalga oshirilmoqda. Xususan, «O‘zqurilishmateriallari» aksiyadorlik kompaniyasi so‘nggi yillar davomida o‘ttizdan ortiq turdagi zamonaviy qurilish materiallarini ishlab chiqarishni o‘zlashtirdi. Bular alebastr va qurilish bo‘ri, quruq bezaklovchi qorishmalar, gipsokarton, devor va shiftlar uchun plastik panellar, alyukobond aluminiy-plastikli kompozitli panellar, aluminiyli radiatorlar, laminatlangan parket, sopol cherepitsa, vermikulit, oyna va eshiklar uchun bloklar hamda shisha paketlar, gidroizolyatsion tomyopqich materiallaridir. Shuningdek, zamonaviy g‘isht ishlab chiqaruvchi korxonalar, tomyopqich materiallarni ishlab chiqarish bo‘yicha 6 ta ishlab chiqarish obyektlari, bezaklovchi materiallarni ishlab chiqaruvchi yangi quvvatlar ishga tushirildi, 6 ta kon tiklandi va rekonstruksiya qilindi, ularning quvvatlari oshirib borilmoqda.