Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

10.3. Qishloq xo‘jaligi rivojlanishining tavsifi
Mamlakatimizda bozor islohotlari, avvalo, qishloq xo‘jaligida mulkchilik munosabatlarini, yerga bo‘lgan egalik tushunchalarini o‘zgartirishdan boshlandi desak, noto‘g‘ri bo‘lmaydi. Chunki mustaqillik arafasida islohotlarning muhim yo‘nalishlaridan biri aholiga tomorqa yerlarini bo‘lib berish, qishloq xo‘jaligida kishilarga tadbirkorlik erkinligini berishdan boshlandi. Qishloq xo‘jaligida davlat va jamoa xo‘jaliklarini boshqarish tizimini o‘zgartirish, fermer va dehqon xo‘jaliklari faoliyatini tashkil etish va rag‘batlantirishga qaratilgan hukumat sa’y-harakatlari mustaqillikning dastlabki yillaridan jadallashdi. O‘zbekistonda asrlar davomida rivojlanib kelayotgan boy dehqonchilik madaniyati va aholining yerga bo‘lgan qadriyatlari muhim omil bo‘lib xizmat qildi.

O‘zbekistonda qishloq xo‘jaligi ishlab chiqarishida tarkibiy, tuzilmaviy, mulkiy, hududiy va tashkiliy-huquqiy o‘zgarishlarning miqyosi katta bo‘ldi. Islohotlar strategiyasida agrar soha davlat va hukumatning doimiy e’tibor markazida bo‘ldi.

O‘zbekistonda agrar islohotlarning amalga oshirilishi va yerga mulkchilik munosabatlarining o‘zgartirilishi natijasida qishloq xo‘jaligi mahsulotlari ishlab chiqarishning mulkchilik shakllari bo‘yicha tarkibida ham sezilarli o‘zgarishlar sodir bo‘ldi.