Turizm va madaniy meros xalqaro universiteti huzuridagi buxoro turizm va madaniy meros texnikumi

3-Mavzu Kuzatish formulyari (andozasi) va yo’riqnoma. Statistik kuzatish idorasi (organi), kuzatish vaqti, muddati, kuzatish joyi, kadrlarni tanlash va o’qitish.

Har qanday statistik tekshirish o'sha o'rganilayotgan ob’yekt haqida tegishli ma'lumotlarni to'plashdan, ya’ni statistik kuzatishdan boshlanadi shuning uchun ham statistik kuzatish har qanday statistik tadqiqotning birinchi bosqichi deyiladi.
Statistik kuzatish deganda o'rganilayotgan hodisa va jarayonlar to'g'risidagi ma'lumotlarni ma’lum bir yagona ilmiy-tashkiliy dastur bo'yicha qayd qilish va to'plash tushuniladi. Statistik kuzatish qanchalik to'g'ri. bir necha bor ilmiy-tashkiliy ekspertizalardan o'tgan dastur bilan o'tkazilsa, uning ma'lumotlari aniq qo'yilgan maqsadga erishish uchun kerakli bo'ladi. Eng asosiysi. kuzatish ma'lumotlarini qayta ishlab to'g'ri xulosalar chiqariladi.
Statistik kuzatishning muhim qoidalaridan biri - kuzatish o'tkazishda to'plam birliklarini qantrab olish masalasidir. Bu masala ham makon. ham zamon chegarasida to'g'ri hal etilsa, maqsadga muvofiqdir.
Ma’umotlarni to'plash yagona (hamma obyektlar bo'yicha) dastur va metodologiva bilan amalga oshirilishi shart, aks holda, ular keraksiz ma'lumotlarga aylanadi.
Kuzatish formulyari - bu berilgan savollarga olingan javoblar to'ldirilgan hujjat. U ikki xil bo'ladi: a) alohida shakldagi formulyar. Unga tijorat korxonasining yillik hisobotini misol keltirish mumkin. b) ro'yxat shaklidagi formulyar. Unda bitta emas. balki bir nechta hisob birliklari haqida ma'lumot keltiriladi.
Yo'riqnoma - bu statistik kuzatish dasturidagi barcha savollarga to'g'ri, aniq va bir xilda javob qaytarishni ta'minlaydigan ko'rsatmalar. tushuntirish va talqinlar to'plami. Yo'riqnomada har savol va unga beriladigan javob turli variantlarda talqin qilinadi. Savollar bo’lmasa, ma'lumotlarni qayerdan va kimdan olish, kuzatish obyekti va birligi, kuzatish muddati, kuzatish materiallarini rasmiylashtirish tartibi, topshirish va jo'natish muddati, ko'rsatkichlami hisoblashning yagona texnologiyasi va boshqa masalalar batafsil yoritiladi.
Statistik kuzatishning tashkiliy masalalari quyidagilarni o'z ichiga oladi: kuzatish organi; kuzatish vaqti va muddati: kuzatish joyi; boshqa tashkiliy masalalar.