Turizm iqtisodiyoti va menegmenti

Назорат саволлари
1. Ўзбекистонда туризмни ривожлантиришда ҳукумат ва хусусий секторларнинг роли қандай?
2. Давлат томонидан туризмни ривожлантириш мақсадида қандайишлар амалга оширилмоқда?
3. Туризм иқтисодиётининг статистик маълумотлари қандай ҳисобланади?
4. Туристларни Ўзбекистонга жалб илишда қандай муаммоларга дуч келинмоқда?
5. Туристик фаолиятнинг давлат томонидан тартибга солиниши қандай амалга оширилади?
6. Ўзбекистон туризмида хусусий секторнинг мукаммал даражада ривожланишига қандай омиллар таъсир этмоқда?
7. Миллий туристик маҳсулот ва хизматларга бўлган талаб ва таклиф нималардан иборат?
8. Бозор итисодиёти шароитида туристик бизнес қандай амалга оширилади?
9. Хорижий мамлакатларда туристларга қандай хизматлар тақдим этилади?
3-МАВЗУ. Туристик маҳсулотларнинг турлари ва уларнинг тақсимланиши

1. Туристик маҳсулот тўғрисида тушунча

2. Туристик маҳсулотнинг ҳаётий босқичлари
3. Туристик маҳсулотнинг баҳоланиши
4. Нарх белгилашга таъсир қилувчи омиллар


1. Туристик маҳсулот тўғрисида тушунча
Туристик маҳсулот - туристнинг саёҳати давомида фойдаланган тунаш, овқатланиш, томоша қилишва бошқа бир қанча хизматларнинг йиғиндисидир. Туризмда маҳсулот 2 шаклда юзага чиқади.
1. Бир давлатнинг соҳиб бўлган ҳамма табиий, тарихий ва туристик ресурсларини ташкил қилган туризм маҳсулоти.
2. Истеъмолчиларнинг ер ўзгартиришларига ва саёҳат қилишларига имкон берган барча хизматлар, яъни бир пекиж - тур ҳосил қилган туристик хизматларнинг йиғиндиси.
Туризм маркетингининг биринчи босқичини туристик маҳсулот ҳосил қилади. Бирор туристик корхонанинг ишлаб чиқарган маҳсулот ва хизматлари, бошқа саноат корхоналарининг ишлаб чиқарадиган маҳсулотларидан фарқлидир. Туризм маркетинги турли хил воситалар ёрдамида юзага келтирилган бир маҳсулот асосига таянади. Бу маҳсулотнинг рўёбга чиқарилиши учун, маълумот ва хабарлашиш воситаларини ҳам қўшиш керакдир. Турист учун энг аҳамиятлиси, энг яхшисини ёки ўзига ёққанини танлашдир. Туризм корхонасида ёки маркетингида асосий мақсад истеъмолчига энг яхши шаклда хизмат тақдим қилиш, ишлаб чиқарувчиларга оптимал фойда яратишдир.