Tuproqshunoslik va geografiya

Bitiruv malakaviy ishning maqsad va vazifalari. Mazkur ishning asosiy maqsadi Zarafshon daryosi havzasini yagona okrug sifatida hamda alohida qismlariga ajratib o’rganish asosida okrugining umumgeografik tavsifini berishdan iborat.
Mavzuning obyekti sifatida Zarafshon tabiiy geografik okrugi olindi.
Bitiruv malakaviy ish oldiga qo’yilgan maqsadga erishish uchun quyidagi vazifalarni bajarish ko’zda tutilgan:

• 
  Zarafshon daryosi havzasini bir butun tabiiy kompleks sifatida talqin etish;
  
• 
  Zarafshon daryosi havzasining tabiiy sharoiti va o’ziga xos xususiyatlari tahlil etish;
  
• 
  Zarafshon havzasining geografik o’rni va chegaralari, geologik tuzilishi va relyefi, orografik tarmoqlarini o’rganish;
  
• 
  Zarafshon havzasining iqlim sharoiti, tuproqlari va organik dunyosiga tavsif berish;
  
• 
  Zarafshon daryosi havzasining tabiiy va antropogen gidrografik tarmoqlarini o’rganish
  
• 
  Zarafshon okrugini Yuqori, O’rta va Quyi Zarafshon o’lkalariga ajratish orqali tahlil etish;
  
• 
  Zarafshon tabiiy geografik okrugi mavzusining umumta’lim geografiya darsliklarida yoritilishini tahlil etish.
  

Bitiruv malakaviy ishining amaliy ahamiyati shundan iboratki, mening ushbu bitiruv malakaviy ishini bajarish davomida yig`ilgan ma’lumotlardan kelgusida geografiya fani o’qituvchilari o’z pedagogik faoliyatlarida ma’lumotnoma sifatida foydalanishlari mumkin.
Bitiruv malakaviy ishimni yozishim davomida geografiyaga oid ko’plab manbalarni, umumta’lim maktablari darsliklarini, ilmiy maqolalar, internet materiallarini tahlil qildim, ayniqsa O’rta Osiyo tabiiy geografiyasi, O’zbekiston tabiiy geografiyasi, Tabiiy geografiyaning asosiy muammolari, geografiyaning tadqiqot usullari kabi olgan bilimlarim, geografik taqqoslash, tizim-tarkib, mantiqiylik, kartografik, tarixiylik kabi tadqiqot usullaridan foydalandim.
Bitiruv malakaviy ishni kirish, 2 bob, 7 qism hamda xulosa va takliflardan iborat.
Mazkur mavzu yuzasidan ma’lumotlar to’plash, adabiyotlar bilan ishlash va ularni mazmunan tahlil qilishda yaqindan yordam bergan ilmiy rahbarim A.N.Nematovga va ushbu dargohda to’rt yil davomida menga tahsil bergan barcha ustozlarimga o’z minnatdorchiligimni bildiraman.