Tuproqshunoslik va geografiya

Xulosa va takliflar ............................................................................................... 56
Foydalanilgan adabiyotlar ro`yxati .................................................................. 59
Ilovalar ................................................................................................................. 62


Kirish
Inson tabiatining ikki asosiy
bisoti aql va fikridir.
Plutarx
Mavzuning dolzarbligi. Geografik fanlarning asosiy guruhlaridan biri bo’lgan tabiiy geografik fanlarning asosiy tarmoqlaridan biri bu regional tabiiy geografiyadir. Taksonomik qiymatga ega bo’lgan tabiiy geografik komplekslar regionallik xususiyatiga ega bo’lib, regional tabiiy geografiyaning o’rganish obyekti hisoblanadi, regional ko’lamdagi katta va murakkab tabiiy geografik komplekslar bu fanning tadqiqot predmetidir.
Regional tabiiy geografik tadqiqotlar faqat bironta tabiiy geografik kompleks hududida olib borilibgina qolmay, balki maqsad va vazifalaridan kelib chiqqan holda bironta davlat chegarasida ham, bironta tabiiy hudud – tog` tizmasi yoki daryo havzasi doirasida ham olib borilishi mumkin. Bu hollarda ham regional tabiiy geografiyaning o’rganish predmeti regional ko’lamdagi tabiiy geografik komplekslar bo’lib qolaveradi.
Ma’lumki O’rta Osiyo daryolarining suv resurslari asosan tog`li hududlarda shakllanadi. Ana shunday suv obyektlaridan biri Tojikiston va O’zbekiston hududidagi Zarafshon daryosidir. Bu daryo havzasi tabiiy geografik rayonlashtirish bilan shug`ullangan turli olimlar tomonidan turlicha rayonlarga ajratilgan. Ayrim olimlar daryo havzasini bitta rayon sifatida ko’rishsa, boshqalari bu havzada 3 ta rayon ajratishadi. Men bitiruv malakaviy ishimda bir butunlik qonuniyatiga asosan bir daryo havzasini bir okrug sifatida ham, tizim –tarkib tamoyiliga asosan, har bir joyning tabiiy xususiyatlaridan kelib chiqib o’rganishga harakat qildim. Chunki turli adabiyotlarda turlicha yoritilgan bu muammoni o’rganish dolzarbdir.