Tuban o‘simliklar

Tillarang suvo‘tlarning ayrim turkumlari

Oxromonadalar-Ochromonadales tartibi

Bu tartibga hujayrasi po‘stsiz, mikroskopda qaraganda bittasi uzun, ikkinchisi kalta xivchinli formalar mansub.
Ochromonas turkumi bir hujayrali tillarang tusli ikkita geteromorf xivchinlarni birlashtiradi. Hujayra plazmalemma bilan o‘ralgan xolos. Oldingi qismda kiskaruvchi vakuola va ko‘zcha, orqasida xrizolaminariyali, vakuola ko‘rinadi. Ko‘payishi vegetativ teng ikkiga bo‘linishi bilan amalga oshadi. CHuchuk suv havzalarida tarqalgan.

Dinabryon

Dinabryon turkumi bir hujayrali va koloniya hosil qiladi, birikkan va birikmagan holda bo‘ladi. Hujayra-sisellyuzali mikrofibrillardan iborat piyolasimon uychada joylashadi. Uychaning tarkibidasellyuzadan tash-qari ancha miqdorda aminokislotalar ham bor. Bo‘linish natijasida hosil bo‘lgan yangi hujayra uychadan chikib uning chetiga o‘tiradi va o‘ziga uycha quradi. Hujayrasida bitta yoki ikkita xloroplast ko‘zcha, ikkita qisqaruvchi vakuolasi bor. Ko‘payishi vegetativ va jinsiy tarzda o‘tadi. CHuchuk suvlarda tarqalgan.

Xromulinalar-CHromulinales tartibi

Bu tartibga tallomi monad, palmelloid va ameboid tipda tuzilgan organizmlar mansub. Monadlari bir xivchinli. CHrysamoeba turkumiga chuchuk suvlarda ameboid tuzilishli suvo‘tlar mansub. CHromulina turkumi tillaranglar orasida 120ga yaqin turlarni jamlagan. Ular bir hujayrali harakatlanadigan organizmlar. Hujayralari po‘stsiz, bitta yoki ikkita tillarang plastidli. CHuchuk suvlar va dengizlarda tarqalgan.

Gidriruslar-Hydruredles tartibi

Bu tartibga palmelloid (Hydrurus), psevdoparenimatoz (Phaedermatium) tuzilishli organizmlar mansub. Zoosporalari tetraidlar shaklida. Fotoretseptor yo‘q. Mitoz yarimi yopiq ro‘y beradi.