Transport vositalarining texnik holati va ishlash qobiliyati

6. Yurish qismi:

shinalardagi havo bosimi; \ildirak disklarining mahkamlanishi: shkvoren lyuftlari; boshqaruv \ildiraklarini o‘rnatish burchaklari; amortizatordagi nosozliklar belgilari; \ildirak podshipniklaridagi lyuftlar.

7. Tormozlar:

kolodka va tormoz barabanlari orasidagi tirqishlar; tormozlanish yo‘li va transport vositasining sekinlashuvi miqdori; tormoz kuchi; \ildirak tormozlarining bir vaqtda ishlashi (sinxronligi); tepkining erkin yo‘li va kuchi; tormoz suyuqligining sizib oqishi va havoning sirqib chiqishi.

8. Rul boshqarmasi:

lyuftlar: rul chambaragi, tortqi sharnirlari, mayatnikli (tebrangichli) richag va h.k.; burilish jarayonida rul chambaragida sodir bo‘ladigan kuch (kuchlanish); rul kolonkasining mahkamlanishi; moyning sathi; gidrokuchaytirgichdagi moy bosimi.

9. Kuzov:

pachoqliklar, darzlar; bo‘yoqlarning holati; zanglash (korroziya); mahkamlangan joylarning bo‘shab qolishi; tebranishlar; chang va ishlatilgan gazlarning kuzov ichiga kirib qolishi; ifloslanganlik.

Transport vositasining texnik holati ko‘rsatkichlari texnik xizmat ko‘rsatish jarayonida muhim o‘rin tutadi. U transport vositasi sozligini nazorat etish, kerakli sozlash, ta’mirlash ishlari hajmini aniqlash, texnik resurs yoki navbatdagi texnik xizmat ko‘rsatishgacha bo‘lgan buzilishlarsiz ishlash davomiyligini aniqlash imkonini beradi.

Bu ko‘rsatkichlar yangi transport vositasi ishlay boshlaganidan to buzilish sodir bo‘lguncha o‘zgaradi. Shuning uchun uning chegaraviy me’yorlarini (ish muddatlarini) bilish va mabodo, chegaraviy me’yorlar namoyon bo‘lsa, transport vositasi ekspluatatsiyasi to‘xtatilishi shart. Undan tashqari vaqt o‘tishi bilan me’yorlarning o‘zgarish dinamikasini ham bilish lozim, zero buning natijasida navbatdagi texnik xizmat ko‘rsatish va xamroh joriy ta’mirlashgacha bo‘lgan resursni aniqlash mumkin.

Ko‘p hollarda agregat va mexanizmlarning konstruksion o‘lchamlarini (parametrlarini) aniqlash uchun ularni qisman yoki to‘liq bo‘laklarga ajratishga to‘\ri keladi. Lekin agregat va mexanizmlarning texnik holat parametrlarini boshqacha yo‘l bilan ham aniqlasa bo‘ladi, ya’ni diagnostik parametrlar yordami bilan. Misol: dvigatelning quvvati, moyning sarf bo‘lishi, silindrdagi kompressiya (ikkinchi taktidagi bosim) va h.k.