Toshkent turizm va biznes kolleji

Mehmonxona biznesi - tadbirkorlik faoliyati turi, mehmondorchilik
industriyasi rivojlanayotgan soha turistlar va sayohatchilarni turar joy, ovqatlantirish, shuningdek maishiy xizmat ko‘rsatish masalalari va ularning bo‘sh vaqtini o‘tkazishni tashkil etishga qaratilgan.
Mehmondo‘stlik industriyasi – hozirgi zamon ishlab chiqarish,korxona, servis muassasasi va tashkiloti. Ushbu joyga qisqa muddatli dam olish, ishbilarmonlik uchrashuvlari yoki shaxsiy maqsadda tashrif
buyuruvchilarga xizmat ko‘rsatishga ixtisoslashgan.
Mehmondo‘stlik industriyasi servis faoliyati, mehmonlarni
joylashtirish, umumiy ovqatlanish, tashish, dam olish (rekratsiya) va ko‘ngil
ochish kabi xizmatlar va bo‘g‘inlarni o‘z ichiga oladi. Mehmondo‘stlik
industriyasi o‘zinig maqsadli mo‘ljaliga ko‘ra dam olish industriyasi va
turizm industriyasi infratuzilmalari tarkibiga kiradi va ularning
otellari, ovqatlanish markazlari va infrastrukturalari bilan
hamkorlikda keluvchilarga xizmat ko‘rsatish segmenti hisoblanadi.
Mehmonxona korxonasi – mustaqil xo‘jalik yurituvchi ob’ekt,
turistlar va sayohatchilarga joylashtirish va ovqatlantirish xizmati
ko‘rsatish uchun barpo etilgan. Mehmonxona korxonasi mamlakat
qonunchiligida belgilangan tartibda barpo etiladi va ishlaydi.
Mehmonxona korxonasining bir necha turi mavjud.
Mehmonxona mijozi– yakka va huquqiy shaxs,mehmonxonada
joylashtirish uchun shartnoma tuzgan va ushbu joylashtirish uchun to‘lovga
ma’sul shaxs.
Mehmonxonalar kompleksi – bir necha mehmonxonalar binolari,bir
egaga tegishli bir joyda bitta yagona reja asosida qurilgan.
Mehmonxonalar kompleksi mashhur turistik markazlarda ko‘proq turistlar
guruhlarini qabul qilish maqsadida barpo etiladi.