Тошкент Тиббиёт Академияси

Юрак гликозидларини қўллашга кўрсатмалар:

• 
  ўткир ва сурункали юрак етишмовчилиги
  
• 
  аритмияларда (титровчи аритмияларда бўлмачаларнинг пароксизмал тахикардиясида).
  

ТУРЛИ КИМЁВИЙ ТУЗИЛИШГА ЭГА БЎЛГАН КАРДИОТОНИК ВОСИТАЛАР.

Адреномиметиклар, дофамин, метилксантинлар, камфора, глюкагон ҳам кардиотоник таъсир кўрсатадилар. Лекин уларни қўллаганда кўпгина нохуш таъсирлар юзага келади (тахикардия, аритмия ва бошқалар) ва шунинг учун кардиотоник восита сифатида уларни кенг қўллаш чегараланган. Ушбу моддалар ичида энг маъқули дофамин ва унинг ҳосиласи добутамин хисобланади.
ДОФАМИН – катехоламинлар синтези учун манба бўлиб, α, β адренорецепторларни билвосита қўзғатади. Терапевтик дозада дофамин ижобий инотороп таъсир кўрсатади. Яъни юрак қисқаришини оширади (β₁-адреномиметик) ва силлиқ мушакларнинг дофамин рецепторларни қўзғатиш хисобига жигар ва мезентерал томирларни кенгайтиради. Дофамин асосан кардиоген карахтликда қўлланилади.
Нохуш таъсири: тахикардия, аритмия, гипертензия.
ДОБУТАМИН – β_1-адренорецепторларни танлаб қўзғатади (β₁-адреномиметик). Кучли кардиотоник фаолликка эга, қисқа вақтда юрак фаолиятини кучайтириш учун, унинг декомпенсациясида қўлланилади. Дофаминга ўхшаш нохуш таъсирлар добутаминга ҳам хос.
АМРИНОН – синтетик препарат, гликозид бўлмаган кардиотоник восита (биспиперидин ҳосиласи). Юрак қисқаришини оширади, томирларни кенгайтиради, лекин юрак мушакларининг кислородга бўлган эхтиёжини оширмайди, юрак ритмини бузмайди, босимини ўзгартирмайди.
Таъсир механизми: катехоламин ва юрак гликозидларидан фарқ қилиб амринон кардиомиоцитларда эркин Са⁺⁺ ионлари ва цАМФ миқдорини оширади.
Қўлланилиши: юрак гликозидлари яхши даво бермаганда, юрак етишмовчилигида. Препаратни энтерал ва парентерал йўл билан қўллаш мумкин. Ичилгандан кейин 4-7 соат таъсир этади.