Тошкент педиатрия тиббиёт институти абдурахимов зохид абдувасикович

Тадқиқот объекти сифатида малака оширишнинг журнал шакли орқали 1491 врачнинг натижалари, магистрлар ва амалиётда ишлаётган 316 врач орасида таълимнинг анъанавий ва масофавий шаклларини солиштирма таққослаш натижалари, масофа орқали малака оширган 24 та ҚВП даги врачларнинг йиллик кўрсаткичларини тиббий хизмат сифатига таъсири тахлил қилинди.
Тадқиқот предмети магистр ҳамда врачларнинг 40 дан ортиқ ўқув дастурлари масофадан ўқитиш усул ва дастурларини (интернет, журнал ва мултимедиа) жорий қилишдан кейинги тест синамаларининг натижалари ва врачларнинг хисобот кўрсаткичларида иборат.
Тадқиқот усуллари. Тадқиқотнинг мақсадига эришиш ва қўйилган вазифаларни бажариш мақсадида қуйидаги миқдорий экспериментал, миқдорий, рандомизирланган, сифатли ҳамда кўп қиррали, кўп омилли аралашувлар, статистик каби тадқиқот ва таҳлил усуллари қўлланилган.
Тадқиқотининг илмий янгилиги қуйидагилардан иборат:
илк бор мавжуд масофавий таълим усуллари бевосита ўрганилган, дипломгача ва дипломдан кейинги босқичдан кейинги билимлари баҳоланган;
масофавий таълимнинг журнал шакли ва онлайн дастури, машғулотлар мундарижаси ва тестлар татбиқ этилган, тўпланган тажрибани тарқатиш бўйича норматив ҳужжатлар ишлаб чиқилган;
масофавий таълимнинг онлайн дастурларини жорий қилиш натижасида ўқитувчиларнинг тестларни текшириш ва баҳолашга сарфланадиган вақтларини қисқариши аниқланди;
Ўзбекистон Республикасида масофавий таълим усулларининг тиббий ёрдам сифатини ошириш, айниқса, врачларнинг ўз билимини ошириш омили сифатидаги аҳамияти таҳлил қилинган;
касалликлар профилактикаси бўйича врачлар учун вебинарлар ҳамда тиббий олий таълим муассасалари магистрлари учун вебконференциялар ишлаб чиқилган;
тадқиқотдан олинган натижалар мақолалар, онлайн дастурлар, тиббий журналларда чиқишлар, шунингдек, турли маҳаллий ва тиббий конференциялар, съездларда иштирок этишлар кўринишида татбиқ этилди.